ନୂଆଦିଲ୍ଲୀ: ଭାରତୀୟ କ୍ରିକେଟ ଟିମ୍ର ପୂର୍ବତନ ଅଧିନାୟକ ତଥା ଜଣାଶୁଣା କ୍ରିକେଟର ମହେନ୍ଦ୍ର ସିଂ ଧୋନୀଙ୍କ ଆଜି ତାଙ୍କର ୩୭ ତମ ଜନ୍ମଦିନ ପାଳନ କରିଛନ୍ତି। ବର୍ତ୍ତମାନ ଇଂଲଣ୍ଡ ଗସ୍ତରେ ଭାରତୀୟ ଦଳ ସହ ଥିବା ଧୋନୀ ନିଜର ସହ-ଖେଳାଳି ଓ ପତ୍ନୀ ସାକ୍ଷୀ ଓ ଝିଅ ଜିଭା ସହ ଜନ୍ମଦିନ ପାର୍ଟି କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଧୋନୀଙ୍କର ଭାରତୀୟ କ୍ରିକେଟ ଜଗତରେ ରହିଛି ଭିନ୍ନ ଗୁରୁତ୍ବ। ତାଙ୍କ ଅଧିନାୟକତ୍ବରେ ଦୀର୍ଘ ୨୮ ବର୍ଷ ପରେ ଭରାତ ବିଶ୍ବକପ୍ କପ ଜିତିଥିଲା । ଏହା ସହ ସେ ଭାରତକୁ ଟି-୨୦ ଓ ଟେଷ୍ଟରେ ମଧ୍ୟ ୧ ନମ୍ବର ଦଳ କରାଇଛନ୍ତି । ଧୋନି ଏବେ ଭାରତୀୟ ଟିମ୍ ସହ ଇଂଲଣ୍ଡ ଗସ୍ତରେ ଅଛନ୍ତି । ଶୁକ୍ରବାର ଦିନ ଦ୍ୱିତୀୟ ଟି-୨୦ ମ୍ୟାଚ୍ ସରିବା ପରେ ସେ ତାଙ୍କ ପତ୍ନୀ ସାକ୍ଷୀ, ଝିଅ ଜିଭା ଓ କିଛି ସାଥୀ ଖେଳାଳିଙ୍କ ସହ ମିଶି କେକ୍ କାଟିଥିଲେ । ସୋସିଆଲ ମିଡିଆରେ ଭାଇରାଲ ହୋଇଥିବା ଭିଡିଓରେ ହାର୍ଦ୍ଦିକ ପାଣ୍ଡ୍ୟା ଓ କୁନାଲ ପ୍ୟାଣ୍ଡ୍ୟାଙ୍କୁ ଦେଖିବାକୁ ମିଳିଥିଲା ।
୩୭ ତମ ଜନ୍ମଦିନରେ ଇଂଲଣ୍ଡ ସହ ଦ୍ୱିତୀୟ ଟି-୨୦ ଖେଳିବାକୁ ପଡିଆକୁ ଓହ୍ଲାଇଥିଲେ ଧୋନୀ । ଏହି ମ୍ୟାଚ୍ ଖେଳିବା ସହ ସେ ତାଙ୍କ ଜୀବନରେ ୫୦୦ ଅର୍ନ୍ତରାଷ୍ଟ୍ରୀୟ ମ୍ୟାଚ୍ ଖେଳିବାର ସୌଭାଗ୍ୟ ଅର୍ଜନ କରିଛନ୍ତି । ଧୋନୀ ଏହି ସ୍ଥାନରେ ପହଞ୍ଚିବାରେ ତୃତୀୟ ଭାରତୀୟ। ତାଙ୍କ ପୂର୍ବରୁ ସଚିନ ତେନ୍ଦୁଲକର (୬୬୪) ଓ ରାହୁଲ ଦ୍ରାଭିଡ (୫୦୯) ମ୍ୟାଚ ଖେଳିଛନ୍ତି । ଧୋନୀ ୯୨ ଟି-୨୦, ୯୦ଟି ଟେଷ୍ଟ ଓ ୩୧୮ ଟି ଏକଦିବସୀୟ ମ୍ୟାଚ ଖେଳି ସାରିଛନ୍ତି । ଟେଷ୍ଟରୁ ସନ୍ୟାସ ନେଇ ସାରିଥିବା ଧୋନୀ ଟେଷ୍ଟରେ ୪୮୭୬ ରନ୍, ଏକଦିବସୀୟରେ ୯୯୬୭ ରନ୍ ଓ ଟି-୨୦ରେ ୧୪୫୫ ରନ୍ କରିଛନ୍ତି ।