ପୂର୍ବାଞ୍ଚଳ ବ୍ୟାଡ୍‌ମିିଣ୍ଟନ୍: ଓଡ଼ିଶା ନିରାଶ

0 6

ଭୁବନେଶ୍ବର: ସ୍ଥାନୀୟ ସହିଦ ନଗର ଇନ୍‌ଡୋର ହଲ୍‌ରେ ଚାଲିଥିବା ପୂର୍ବାଞ୍ଚଳ ବ୍ୟାଡ୍‌ମିଣ୍ଟନ୍ ପ୍ରତିଯୋଗିତା ଶୁକ୍ରବାର ଉଦ୍‌ଯାପିତ ହୋଇଯାଇଛି। ସେମିଫାଇନାଲରେ ହାରି ଓଡ଼ିଶା ଖେଳାଳିମାନେ ନିରାଶ ହେବାରୁ ଆୟୋଜକ ପଦକଶୂନ୍ୟ ଭାବେ ଅଭିଯାନ ‌ଶେଷ କରିଛି। ମହିଳା ଏକକରେ ଝାଡ଼ଖଣ୍ଡର ଦେବାଶୀ କାଞ୍ଜିବିଲିଆ ୨୧-୧୪, ୨୧-୧୫ରେ ଉତ୍ତରପ୍ରଦେଶର ଅମୋଲିକା ସିଂହଙ୍କୁ ଏବଂ ପୁରୁଷ ଏକକରେ ଉତ୍ତରାଖଣ୍ଡର ଆୟୂଷରାଜ ଗୁପ୍ତା ପ୍ରତିପକ୍ଷ ଅଂଶଲ ଯାଦବଙ୍କ ବିପକ୍ଷରେ ୱାକଓଭର ପାଇ ବିଜେତା ହୋଇଥିଲେ। ମିଶ୍ରିତ ଯୁଗଳରେ ଉତ୍ତରାଖଣ୍ଡର ମୋହିତ ତିୱାରୀ-ସ୍ମୃତି ନାଗରଣ୍ଡ ୨୧-୧୩, ୨୧-୧୭ରେ ଉତ୍ତରପ୍ରଦେଶର ଶୁଭମ ଯାଦବ-ତପସ୍ବିନୀ ସାମତରାୟଙ୍କୁ ହରାଇ ମୁକୁଟ ଜିତିଥିଲେ। ୧୯ ବର୍ଷରୁ କମ୍ ବାଳକ ଓ ବାଳିକା ଏକକ ଓ ଯୁଗଳରେ ମଧ୍ୟ ଉତ୍ତରାଖଣ୍ଡ ଓ ଉତ୍ତରପ୍ରଦେଶ ପ୍ରତିଯୋଗୀଙ୍କ ପ୍ରାଧାନ୍ୟ ରହିଥିଲା। ବୁଧବାର କନିଷ୍ଠ ଓ ବରିଷ୍ଠ ଦଳଗତ ବିଭାଗରେ ଉତ୍ତରପ୍ରଦେଶ ବିଜେତା ହୋଇ ଦ୍ବିମୁକୁଟ ଅର୍ଜନ କରିଥିଲା। ଶୁକ୍ରବାର ଉଦ୍‌ଯାପନୀ ଉତ୍ସବରେ କ୍ରୀଡ଼ା ଓ ଯୁବସେବା ବିଭାଗ ଯୁଗ୍ମ ସଚିବ ମନୋଜ କୁମାର ପାଢ଼ୀ, ଭାରତୀୟ ବ୍ୟାଡ୍‌ମିଣ୍ଟନ୍ ସଂଘ ପର୍ଯ୍ୟବେକ୍ଷକ ପ୍ରଭାକର ରାଓ, ଓଡ଼ିଶା ରାଜ୍ୟ ବ୍ୟାଡ୍‌ମିଣ୍ଟନ୍ ସଂଘ ସମ୍ପାଦକ ପ୍ରଦୀପ କୁମାର ମହାନ୍ତି, ପ୍ରଶିକ୍ଷକ ମନୋଜ କୁମାର ସାବତ ପ୍ରମୁଖ ଉପସ୍ଥିତ ଥିଲେ।

ସମ୍ବନ୍ଧିତ ଖବର

Leave A Reply

Your email address will not be published.