ଭୁବନେଶ୍ୱର: ଫ୍ରାନ୍ସକୁ ୩-୦ରେ ପରାସ୍ତ କରି ବୁଧବାର ସେମିଫାଇନାଲରେ ପ୍ରବେଶ କରି ସାରିଥିବା ଅଷ୍ଟ୍ରେଲିଆକୁ ଆଗାମୀ ଡିସେମ୍ବର ୧୫ରେ କିଏ ମୁକାବିଲା ସେ ନେଇ କଳିଙ୍ଗ ଷ୍ଟାଡିୟମରେ ଦର୍ଶକ ଅପେକ୍ଷା କରିଛନ୍ତି। ଏଥି ପାଇଁ ଭାରତୀୟ ଟିମ୍ ନିଜର ସମସ୍ତ ରଣନୀତି ସହିତ ଲଢ଼ାଇ ଜାରି ରଖିଛି। ଚଳିତ ହକି ବିଶ୍ୱକପ୍ର ଅନ୍ୟତମ ୨ ଶକ୍ତିଶାଳୀ ଟିମ୍ ଭାରତ ଏବଂ ନେଦରଲାଣ୍ଡସ୍ ମଧ୍ୟରେ ମ୍ୟାଚ ଖେଳାଯାଉଛି।
Sambad is now on WhatsApp
Join and get latest news updates delivered to you via WhatsApp
ବହୁ ପ୍ରତୀକ୍ଷିତ ଏହି ହାଇଭୋଲଟେଜ୍ ମୁକାବିଲାରେ ବିଜୟୀ ଟିମ୍ ଅଷ୍ଟ୍ରେଲିଆକୁ ଭେଟିବ। ହକି ବିଶ୍ୱକପ୍ର ୧୪ତମ ସଂସ୍କରଣରେ ଭାରତ ଆରମ୍ଭରୁ ଏପର୍ଯ୍ୟନ୍ତ ଉନ୍ନତ ପ୍ରଦର୍ଶନ କରି ଆସିଥିବାରୁ କଳିଙ୍ଗ ଷ୍ଟାଡିୟମ୍ର ହକି ଗ୍ରାଉଣ୍ଡରେ ଖେଳାଳିମାନଙ୍କ ଠାରୁ ଭାରତୀୟ ଦର୍ଶକ ଓ ହକିପ୍ରେମୀ ଅନେକ କିଛି ଆଶା କରୁଛନ୍ତି।
Victory is nothing without the toil,
What’s at stake is the pride of our nation’s soil,
Beyond every story, an emotion remains being evoked,
Giving our heart to hockey, will now be invoked!Catch #INDvNED tonight at 7 PM IST! #DilHockey #HWC2018 #IndiaKaGame pic.twitter.com/cf56RnhjsO
— Hockey India (@TheHockeyIndia) December 13, 2018
ହକି ପ୍ରେମୀଙ୍କ ଆଶା ଯେ, ଭାରତୀୟ ଖେଳାଳିଙ୍କ ପ୍ରଦର୍ଶନ ବଳରେ କଳିଙ୍ଗ ହକି ଗ୍ରାଉଣ୍ଡ ‘ଜୟ ହିନ୍ଦ ଜୟ ଇଣ୍ଡିଆ’ ଗାନରେ ଗୁଣୁ ଗୁଣୁ ହେବ। ଖେଳାଳିଙ୍କୁ ଉତ୍ସାହିତ କରିବା ପାଇଁ ଦର୍ଶକ-ପ୍ରଶଂସକ ପ୍ରସ୍ତୁତ ଅଛନ୍ତି।
ପ୍ରଥମ କ୍ୱାର୍ଟର ଫାଇନାଲ ମ୍ୟାଚରେ ବେଲଜିୟମ ୨-୧ ଗୋଲରେ ଜର୍ମାନୀକୁ ପରାସ୍ତ କରି ସେମିଫାଇନାଲକୁ ପ୍ରବେଶ କରିଛି। ବେଲଜିୟମ-ଇଂଲଣ୍ଡ ମଧ୍ୟରେ ଡିସେମ୍ବର ୧୫ରେ ଏକ ସେମିଫାଇନାଲ ମ୍ୟାଚ ଖେଳାଯିବ।