୨୩ ବର୍ଷରୁ କମ୍ ଦିନିକିଆ : ବିଶ୍ବଜିତଙ୍କ ୫ ଵିକେଟ୍ରେ ହାରିଲା ଗୋଆ
କଟକ : ଡେରାଡୁନ୍ରେ ଚାଲିଥିବା ୨୩ ବର୍ଷରୁ କମ୍ ପୁରୁଷ ଦିନିକିଆ କ୍ରିକେଟ୍ରେ ଓଡ଼ିଶା ବିଜୟୀ ହୋଇଛି। ବୁଧବାର ଅନୁଷ୍ଠିତ ଏହି ମ୍ୟାଚ୍ରେ ଓଡ଼ିଶା ୪ ଵିକେଟରେ ଗୋଆକୁ ହରାଇଛି। ଟସ୍ ଜିତି ଗୋଆ ବ୍ୟାଟି˚ କରିଥିଲା ବେଳେ ଓଡ଼ିଶା ସମ୍ମୁଖରେ ୧୧୬ ରନ୍ର ଲକ୍ଷ୍ୟ ଧାର୍ଯ୍ୟ କରିଥିଲା। ବିଶ୍ବଜିତ ମଲ୍ଲିକ ୫ ଵିକେଟ ଅକ୍ତିଆର କରିଥିଲେ। ସେ ତାଙ୍କର ୮.୧ ଓଭରରେ ୨୮ ରନ୍ ବ୍ୟୟ କରି ୫ ଵିକେଟ ଅକ୍ତିଆର କରିଥିଲେ। ତାଙ୍କ ବ୍ୟତୀତ ପ୍ରୀତ୍ ସି˚ହ ଚୌହାନ୍ ୩ ଓ ରାହୁଲ ଚୌଧୁରୀ ୨ ଵିକେଟ୍ ନେଇଥିଲେ। ଗୋଆର କାଶ୍ୟପ ବାଖଲେ ୩୮ ଓ ରୋହିତ ନାଏକ ୨୩ ରନ୍ କରିଥିଲେ। ୧୧୬ ରନ୍ର ଲକ୍ଷ୍ୟକୁ ଓଡ଼ିଶା ୬ ଵିକେଟ ବିନିମୟରେ ୩୫.୩ ଓଭରରେ ହାସଲ କରିଥିଲା। ସ୍ବସ୍ତିକ ସାମଲ ଅପରାଜିତ ୪୩ ରନ୍ କରି ଦଳକୁ ଜିତାଇବାରେ ଅନ୍ୟତମ ଭୂମିକା ନେଇଥିଲେ। ୧୭ ତାରିଖରେ ଓଡ଼ିଶା ନିଜର ଶେଷ ମ୍ୟାଚ୍ରେ ହାଇଦ୍ରାବାଦକୁ ଭେଟିବ।
Sambad is now on WhatsApp
Join and get latest news updates delivered to you via WhatsApp
୨୩ ବର୍ଷରୁ କମ୍ ମହିଳା ଟ୍ବେଣ୍ଟି-୨୦ : ଛତିଶଗଡ଼କୁ ହରାଇଲେ ମହିଳା
କଟକ : ଗୁଣ୍ଟୁରରେ ଚାଲିଥିବା ୨୩ ବର୍ଷରୁ କମ୍ ମହିଳା ଟ୍ବେଣ୍ଟି-୨୦ କ୍ରିକେଟରେ ଓଡ଼ିଶା ଦ୍ବିତୀୟ ମ୍ୟାଚ୍ରେ ବିଜୟୀ ହୋଇଛି। ପ୍ରଥମ ମ୍ୟାଚ୍ରେ ବେଙ୍ଗଲଠୁ ୩ ଵିକେଟରେ ପରାସ୍ତ ହେବା ପରେ ଓଡ଼ିଶା ପ୍ରଥମ ବିଜୟ ପାଇଛି। ଆର୍ଭିଆର୍ ଆଣ୍ତ ଜେସି କଲେଜ ପଡ଼ିଆରେ ଅନୁଷ୍ଠିତ ବୁଧବାର ମ୍ୟାଚ୍ରେ ଓଡ଼ିଶା ୧୯ ରନ୍ରେ ଛତିଶଗଡ଼କୁ ହରାଇଛି। ଟସ୍ ଜିତି ବ୍ୟାଟି˚ ନେଇଥିବା ଓଡ଼ିଶା ୮ ଵିକେଟ ବିନିମୟରେ ୧୨୩ ରନ୍ କରିଥିଲା। କାଜଲ ଜେନା ୩୦, ଶୁଭ୍ର ନିର୍ଝରିଣୀ ସ୍ବାଇଁ ୪୦ ରନ୍ କରିଥିବା ବେଳେ ଦେବିକା ବିଦ୍ୟା ୩, ଶିବାନୀ ଯାଦବ ୨ ଵିକେଟ ନେଇଥିଲେ। ତେବେ ୧୨୪ ରନ୍ର ଲକ୍ଷ୍ୟକୁ ପିଛା କରିବାକୁ ଯାଇ ଛତିଶଗଡ଼ ନିର୍ଧାରିତ ଓଭରରେ ୭ ଵିକେଟ ହରାଇ ୧୦୪ ରନ୍ କରିପାରିଥିଲା। ମନପ୍ରୀତ ସି˚ହ ସର୍ବାଧିକ ୩୨ ଓ ୟଶି ପାଣ୍ତେ ୨୬ ରନ୍ର ପାଳି ଖେଳିଥିଲେ ବି ଦଳକୁ ପରାଜୟରୁ ରକ୍ଷା କରିପାରିନଥିଲେ। ବିଜୟୀ ଦଳର ଲୁଇସା ଦାଶ ୨, ତରନ୍ନା ପ୍ରଧାନ, ନିବେଦିତା ନାଏକ, ଅଞ୍ଜଳି ସି˚ହ ପ୍ରତ୍ୟେକ ଗୋଟିଏ ଲେଖାଏ ଵିକେଟ ନେଇଥିଲେ।