ହକି ବିଶ୍ୱକପର ସଫଳ ଆୟୋଜନ ପାଇଁ ଟ୍ୱିଟ୍ କରି ଓଡ଼ିଶା ସରକାରଙ୍କୁ ଶୁଭେଚ୍ଛା ଜଣାଇଲେ ପ୍ରଧାନମନ୍ତ୍ରୀ ମୋଦି

ଭୁବନେଶ୍ବର : ସରିଯାଇଛି ହକି ବିଶ୍ୱକପ, ଏବେ ରାଜ୍ୟ ସରକାରଙ୍କ ପାଖକୁ  ଛୁଟୁଛି ପ୍ରଂଶସାର ସୁଅ । ଖାସ କରି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ପ୍ରଶଂସାରେ ଶତମୁଖ ହେଉଛନ୍ତି ହକି ପ୍ରଶଂସକ ଓ କ୍ରୀଡ଼ା ସଂଗଠକ।  ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ନବୀନ ସରକାରଙ୍କୁ ଶୁଭେଚ୍ଛା ଜଣାଇବାକୁ ଭୁଲି ନାହାନ୍ତି । ଟ୍ୱିଟ୍ କରି ବିଶ୍ୱବିଜେତା ବେଲଜିୟମ ଓ ରନର୍ସ ଅପ ନେଦରଲାଣ୍ଡକୁ ଶୁଭେଚ୍ଛ ଜଣାଇବା ସହ ହକି ବିଶ୍ୱକପର ସଫଳ ଆୟୋଜନ ପାଇଁ ରାଜ୍ୟବାସୀ ଓ ଓଡିଶା ସରକାରଙ୍କୁ ଶୁଭେଚ୍ଛା ଜଣାଇଛନ୍ତି ମୋଦି । ରାଜ୍ୟ ସରକାରଙ୍କ ପକ୍ଷରୁ ଖେଳାଳିଙ୍କୁ ଯେଉଁଭଳି ଭାବେ ଆତିଥେୟତା ଦିଆଯାଇଛି ସେଥିପାଇଁ ମଧ୍ୟ ନବୀନ ସରକାରକୁ ପ୍ରଂଶସା କରିଛନ୍ତି ମୋଦି । ଏପରିକି ହକି ବିଶ୍ୱକପକୁ ସଫଳ କରିବା ପାଇଁ ପରିଶ୍ରମ କରିଥିବା ପ୍ରତିଟି ବ୍ୟକ୍ତି ବିଶେଷଙ୍କୁ ଶୁଭେଚ୍ଛା ଜଣାଇଛନ୍ତି ମୋଦି ।

Kudos to all those who worked hard to ensure the 2018 Hockey World Cup is a resounding success.

Congratulations to the people and Government of Odisha for their warmth and hospitality.

— Narendra Modi (@narendramodi) December 17, 2018

ଅନ୍ୟ ଏକ ଟ୍ୱିଟରେ ମୋଦି ଲେଖିଛନ୍ତି, ବିଶ୍ୱକପ ହକି ଏକ ସ୍ୱତନ୍ତ୍ର ସ୍ଥାନ ନେଇ ଆସିଥିଲା । କ୍ରୀଡା ପ୍ରେମୀଙ୍କ ପାଇଁ ହକି ବିଶ୍ୱକପ ଏକ ଉପହାର ସଦୃଶ । ଏହି ବିଶ୍ୱକପରେ ବହୁତ ଭଲ ମ୍ୟାଚ୍ ଦେଖିବାକୁ ମିଳିଥିଲା । ଉଭୟ ଦଳଗତ ଓ ବ୍ୟକ୍ତିଗତ ସ୍ତରରେ ଖେଳାଳିମାନେ ଭଲ ପ୍ରଦର୍ଶନ କରିଥିଲେ । ଏପରିକି ଏହି ଟୁର୍ଣ୍ଣାମଣ୍ଟ ଦ୍ୱାରା ହକି ଦେଶର ଲୋକଙ୍କ ପାଖରେ ବେଶ ଲୋକପ୍ରିୟତା ହାସଲ କରିଛି । ଖାସକରି ଯୁବପିଢ଼ି ପାଇଁ ହକି ବିଶ୍ୱକପ ଅଧିକ ଲୋକପ୍ରିୟ ହୋଇପାରିଛି ।

The Hockey World Cup in Odisha has been a treat for sports lovers. It was characterised by iconic matches, exceptional individual performances and wonderful team efforts. The tournament has also enhanced the popularity of hockey among the people of India, especially the youth.

— Narendra Modi (@narendramodi) December 17, 2018

ନଭେମ୍ବର ୨୮ରୁ ଆରମ୍ଭ ହୋଇଥିବା ହକି ବିଶ୍ୱକପରେ ନେଦରଲାଣ୍ଡକୁ ମାତ ଦେଇ ବେଲଜିୟମ ବିଶ୍ୱବିଜେତା ହୋଇଛି । ଭାରତ କ୍ୱାର୍ଟର ଫାଇନାଲରେ ନିଜର ଅଭିଯାନ ଶେଷ କରିଥିଲେ ମଧ୍ୟ ବେଶ ଉଚ୍ଚକୋଟୀର ପ୍ରଦର୍ଶନ କରିଥିଲା । ହକି ବିଶ୍ୱକପର ଉଦଘାଟନୀ ଉତ୍ସବରେ ଶାହାରୁଖ, ମାଧୁରୀ ଓ ଏ.ଆର.ରେହମାନ,ସଲମାନଙ୍କ ଭଳି ଷ୍ଟାର ଯୋଗ ଦେଇଥିବା ବେଳେ ଉଦଯାପନୀ ଉତ୍ସବରେ ସାମିଲ ହୋଇଥିଲେ ସଚିନ୍ । ଆଉ ହକି ବିଶ୍ୱକପରେ ଯୋଗ ଦେଇଥିବା ପ୍ରତ୍ୟେକ ବ୍ୟକ୍ତି ବିଶେଷ ପୂର୍ବରୁ ହକି ବିଶ୍ୱକପର ସଫଳ ଆୟୋଜନ ପାଇଁ ନବୀନଙ୍କୁ ପ୍ରଂଶସାରେ ପୋତି ପକାଇଛନ୍ତି ।