ରାଞ୍ଚି ଟେଷ୍ଟ: ୪୯୭ ରନ୍ରେ ପାଳି ଘୋଷଣା କଲା ଭାରତ, ୪୮୮ ରନ୍ ପଛରେ ଦକ୍ଷିଣ ଆଫ୍ରିକା
ରାଞ୍ଚି: ଭାରତର ଅଧିନାୟକ ବିରାଟ କୋହଲି ଦକ୍ଷିଣ ଆଫ୍ରିକା ବିପକ୍ଷରେ ୯ ଓ୍ଵିକେଟ୍ ବିନିମୟରେ ୪୯୭ ରନ୍ କରିବା ପରେ ନିଜର ପାଳି ଘୋଷଣା କରିଛନ୍ତି। ରାଞ୍ଚିରେ ଜାରି ଥିବା ୩ୟ ଟେଷ୍ଟର ଦ୍ୱିତୀୟ ଦିନ ରବିବାର ଖେଳ ଶେଷ ସୁଦ୍ଧା ଦକ୍ଷିଣ ଆଫ୍ରିକା ୨ଟି ଓ୍ଵିକେଟ୍ ହରାଇ ୯ ରନ୍ କରିଛି। ଫଳରେ ଟିମ୍ ଭାରତ ଠାରୁ ୪୮୮ ରନ୍ ପଛରେ ଅଛି।
Sambad is now on WhatsApp
Join and get latest news updates delivered to you via WhatsApp
ଦକ୍ଷିଣ ଆଫ୍ରିକାର ବ୍ୟାଟସ୍ମ୍ୟାନ୍ ଡିନ ଏଲଗର୨ଟି ବଲ ସମ୍ମୁଖୀନ ହୋଇ କୌଣସି ରନ୍ କରି ନ ଥିଲେ। ସାଥୀ ବ୍ୟାଟସ୍ମ୍ୟାନ୍ କ୍ୱିଟନ୍ ଡି-କକ୍ ୬ଟି ବଲ ସାମ୍ନା କରି ମାତ୍ର ୪ ରନ୍ କରିଥିଲେ। ଯୁବାୟର ହଜମା ଓ ଫାଫ୍ ଡୁପ୍ଲେସିସ୍ ଅପରାଜିତ ରହି ପଡ଼ିଆରୁ ବିଦାୟ ନେଇଛନ୍ତି। ଭାରତୀୟ ବୋଲର ମହମ୍ମଦ ସାମି ଓ ଉମେଶ ଯାଦବଙ୍କୁ ଗୋଟିଏ ଲେଖାଏଁ ଓ୍ଵିକେଟ୍ ମିଳିଛି।
ପ୍ରଥମ ଇନିଂସରେ ଓପନର ବ୍ୟାଟସ୍ମ୍ୟାନ ରୋହିତ ଶର୍ମା ଦ୍ୱି-ଶତକ (୨୧୨ ରନ୍, ୨୫୫ ବଲ, ୨୮ ଚୌକା, ୬ ଛକା) ଓ ଆଜିଙ୍କ୍ୟ ରାହାଣେ (୧୧୫ ରନ୍, ୧୯୨ ବଲ, ୧୭ ଚୌକା, ୧ ଛକା) ଶତକ ଏବଂ ରବୀନ୍ଦ୍ର ଜାଦେଜାଙ୍କ ଅର୍ଦ୍ଧଶତକ (୫୧ ରନ୍) ବଳରେ ଭାରତ ଏକ ବଡ଼ ସ୍କୋର କରିବା ପରେ ପାଳି ଘୋଷଣା କରିଥିଲା।