କରୋନା ଲଢେଇ : ୮୦ ଲକ୍ଷ ଦାନ କଲେ ରୋହିତ ଶର୍ମା
ନୂଆଦିଲ୍ଲୀ : ଭାରତ କରୋନା ଭାଇରସ ବିରୁଦ୍ଧରେ ଲଢେଇ କରୁଥିବାବେଳେ ବିଭିନ୍ନ କ୍ଷେତ୍ରରୁ ସହାୟତାର ହାତ ଲମ୍ବିଆସିଛି । ଶିଳ୍ପ ଜଗତ, ସେଲିବ୍ରିଟି, କ୍ରୀଡ଼ାବିତ ସମସ୍ତେ ସରକାରଙ୍କ ପ୍ରତି ସହାୟତାର ହାତ ବଢାଇଛନ୍ତି । କ୍ରିକେଟ ଖେଳାଳୀଙ୍କ ମଧ୍ୟରୁ ସଚିନ ତେନ୍ଦୁଲକର, ସୌରଭ ଗାଙ୍ଗୁଲି, ବିରାଟ କୋହଲି, ମହେନ୍ଦ୍ର ସିଂ ଧୋନୀ ପ୍ରମୁଖ ଆର୍ଥିକ ସହାୟତା କରିଛନ୍ତି । ଏବେ ଭାରତୀୟ କ୍ରିକେଟ ଦଳର ବିସ୍ପୋରଣ ବ୍ୟାଟ୍ସମ୍ୟାନ ରୋହିତ ଶର୍ମା ମଧ୍ୟ ଆର୍ଥିକ ସହାୟତା ଘୋଷଣା କରିଛନ୍ତି । ରୋହିତ ମୋଟ ୮୦ ଲକ୍ଷ ଟଙ୍କା ଦାନ କରିଛନ୍ତି । ଏହା ମଧ୍ୟରୁ ପ୍ରଧାନମନ୍ତ୍ରୀଙ୍କ ସ୍ୱତନ୍ତ୍ର ପାଣ୍ଠି ପିଏମକେୟାରକୁ ସେ ୪୫ ଲକ୍ଷ, ମହାରାଷ୍ଟ୍ର ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିକୁ ୨୫ ଲକ୍ଷ, ଗରିବ ଲୋକଙ୍କ ସହାୟତା ପାଇଁ ୫ ଲକ୍ଷ ଓ ବୁଲା କୁକୁରଙ୍କ ସହାୟତା ପାଇଁ ୫ ଲକ୍ଷ ଦାନ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଏହା ପୂର୍ବରୁ ବିରାଟ କୋହଲି ନିଜ ପତ୍ନୀ ଅନୁଷ୍କା ଶର୍ମାଙ୍କ ମିଶି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଭେଟି ସହାୟତା ପ୍ରଦାନ କରିଥିଲେ । ତେବେ ତାଙ୍କ ସହାୟତା ରାଶିକୁ ଗୁପ୍ତ ରଖାଯାଇଛି । ସଚିନ ତେନ୍ଦୁଲକର ମଧ୍ୟ ସରକାରଙ୍କୁ ୫୦ ଲକ୍ଷ ଦାନ କରିଛନ୍ତି ।