ଭାରତୀୟ କ୍ରିକେଟ ପାଇଁ ନୂଆ ଷ୍ଟାର ସାଜିବେ କି ନଦୀମ ?
ଭାଇ ଅଛି ତ ସିଏ ଖେଳୁ
ରାଞ୍ଚି: ଟିମ୍ ଇଣ୍ଡିଆ ଖୁବ ଶୀଘ୍ର ପାଇପାରେ ନୂଆ ଷ୍ଟାର | ଚାଇନାମ୍ୟାନ କୁଲଦୀପ ଯାଦବ ଅନଫିଟ ହେବା ପରେ ଶେଷ ମୁହୂର୍ତ୍ତରେ ଏକ ବଡ ସୁଯୋଗ ପାଇଛନ୍ତି ଝାଡଖଣ୍ଡର ସ୍ପିନର ନଦୀମ । ରାଞ୍ଚି ଟେଷ୍ଟରେ ଟିମ୍ ଇଣ୍ଡିଆର ଟେଷ୍ଟ କ୍ୟାପ ପ୍ରଦାନ କରିଛନ୍ତି କ୍ୟାପଟେନ କୋହଲି । ନିଜର ଡେବ୍ୟୁ ମ୍ୟାଚରେ ବି ନଦୀମ କମାଲ ଦେଖାଇଛନ୍ତି । ରାଂଚି ଟେଷ୍ଟରେ ପ୍ରଥମ ଇନିଂସରେ ୧୧ ଓଭର ୨ ବଲ ବୋଲିଂ କରି ମାତ୍ର ୨୨ ରନ ଦେଇ ସେ ୨ଟି ଉଇକେଟ ଅକ୍ତିଆର କରିଥିଲେ ।
Sambad is now on WhatsApp
Join and get latest news updates delivered to you via WhatsApp
ଦକ୍ଷିଣ ଆଫ୍ରିକାର ଦଳୀୟ ସ୍କୋର ୧୦୭ ରନ ଥିବା ବେଳେ ନଦୀମ ଭାରତ ପାଇଁ ପଂଚମ ସଫଳତା ଭାବେ ତେମ୍ବା ବାଭୁମାଙ୍କୁ ରିଦ୍ଧିମାନ ଶାହଙ୍କ ଦ୍ୱାର ଷ୍ଟମ୍ପ ଆଉଟ୍ କରାଇ ନେଇଥିଲେ । ପରେ ନଦୀମ ଅନ୍ରିଚ୍ ନୋଟଯେଙ୍କୁ ଆଉଟ୍ କରିବା ସହ ଭ୍ରମଣକାରୀଙ୍କ ପ୍ରଥମ ଇନିଂସର ସମାପ୍ତ କରାଇଥିଲେ । ତେବେ ନଦୀମଙ୍କ ସଫଳତା ପଛରେ ତାଙ୍କ ବଡ ଭାଇ ଅସଦ ଇକବାଲଙ୍କ ବଡ ତ୍ୟାଗ ରହିଛି । ଏକଦା ବିହାର ଅଣ୍ଡର ୧୫ ଟିମର ଅଧିନାୟକ ଥିବା ଅସଦ ସାନ ଭାଇ ପାଇଁ କ୍ରିକେଟ ଛାଡି ଦେଇଥିଲେ ।
କାରଣ ତାଙ୍କ ବାପା ଚାହୁଁଥିଲେ ଦୁଇ ପୁଅ ଭିତରୁ କେବଳ ଜଣେ ହିଁ କ୍ରିକେଟ ଖେଳିପାରିବ । ଧାନବାଦରୁ କ୍ରିକେଟ କ୍ୟାରିଅର ଆରମ୍ଭ କରିଥିବା ଶାହବାଜ ନଦୀମ ଗତବର୍ଷ ବିଜୟ ହଜାରେ ଟ୍ରଫିର ରାଜସ୍ଥାନ ବିରୋଧରେ ଖେଳି ମାତ୍ର ୧୦ ରନ ଦେଇ ୮ ଉଇକେଟ ହାତେଇଥିଲେ ନଦୀମ । ଫଳରେ ସେ ଦୀର୍ଘ ଦୁଇ ଦଶକ ତଳର ରେକର୍ଡକୁ ଭାଙ୍ଗିଛନ୍ତି । ଅନ୍ୟପଟେ ଦୁଇଥର ରଣଜୀ ଟ୍ରଫି ମୁକାବିଲାରେ ୫୦ରୁ ଅଧିକ ଉଇକେଟ ନେବା ସହ ରଣଜୀ ଇତିହାସରେ ଦ୍ୱିତୀୟ ବୋଲର ହେବାର ଗୌରବ ଲାଭ କରିଛନ୍ତି ।