ହାର୍ଦ୍ଦିକ ପାଣ୍ଡ୍ୟା ଓ କେଏଲ ରାହୁଲଙ୍କ ଉପରୁ ନିଲମ୍ବନ ପ୍ରତ୍ୟାହୃତ
ମୁମ୍ବାଇ : ବିସିସିଆଇ ପକ୍ଷରୁ କ୍ରିକେଟର ହାର୍ଦ୍ଦିକ ପାଣ୍ଡ୍ୟା ଓ କେଏଲ ରାହୁଲଙ୍କ ଉପରୁ ନିଲମ୍ବନ ଉଠାଇ ନିଆଯାଇଛି । ବିସିସିଆଇର ପ୍ରଶାସକ କମିଟି ପକ୍ଷରୁ ଏହି ନିଷ୍ପତ୍ତି ନିଆଯାଇଛି । ଏହା ଫଳରେ ଉଭୟ ଖେଳାଳି ନ୍ୟୁଜିଲାଣ୍ଡ ସହ ଚାଲିଥିବା ୫ ମ୍ୟାଚ ବିଶିଷ୍ଟ ଏକଦିବସୀୟ ସିରିଜର ଅବଶିଷ୍ଟ ମ୍ୟାଚ ଖେଳିପାରିବେ । ଗତ କାଲି ଅନୁଷ୍ଠିତ ପ୍ରଥମ ମ୍ୟାଚରେ ଭାରତ ବିଜୟୀ ହୋଇଥିଲା । ଗତ ଶନିବାରଦିନ ବିସିସିଆଇର କାମଚଳା ସଭାପତି ସିକେ ଖାନ୍ନା ଏହି ନିଲମ୍ବନ ଉଠାଇବାକୁ ପ୍ରଶାସକ କମିଟିକୁ ଅନୁରୋଧ କରିଥିଲେ ।
Sambad is now on WhatsApp
Join and get latest news updates delivered to you via WhatsApp
ଗତ ୧୦ ତାରିଖ ଦିନ ଏକ ଟେଲିଭିଜନ ସୋ’ରେ ମହିଳାଙ୍କ ପ୍ରତି ଅଶୋଭନୀୟ ମନ୍ତବ୍ୟ ରଖିବା ଭାରତୀୟ କ୍ରିକେଟ୍ ଦଳର ଦୁଇ ତାରକା ଖେଳାଳି ହାର୍ଦିକ ପାଣ୍ଡ୍ୟା ଏବଂ ଲୋକେଶ ରାହୁଲଙ୍କୁ ବିସିସିଆଇ ନିଳମ୍ବିତ କରିଥିଲା । ଏହା ଫଳରେ ଅଷ୍ଟ୍ରେଲିଆ ବିପକ୍ଷ ଦିନିକିଆ ଶୃଙ୍ଖଳାରୁ ସେମାନେ ବାଦ ପଡିଥିଲେ। ‘କଫି ୱିଥ୍ କରଣ’ ଟେଲିଭିଜନ କାର୍ଯ୍ୟକ୍ରମରେ ଏହି ଦୁଇ ଖେଳାଳି ମହିଳାଙ୍କ ପ୍ରତି ଯୌନ ଉଦ୍ଦୀପକ ମନ୍ତବ୍ୟ ଦେଇଥିଲେ। ତଦନ୍ତ ଶେଷ ନ ହେବା ପର୍ଯ୍ୟନ୍ତ ଉଭୟଙ୍କୁ ନିଲମ୍ବିତ କରାଗଲା ବୋଲି ବିସିସିଆଇ ଦାୟିତ୍ବରେ ଥିବା ସିଓଏ (ପ୍ରଶାସନିକ ସମିତି)ର ଅଧ୍ୟକ୍ଷ ବିନୋଦ ରାଏ ପ୍ରକାଶ କରିଥିଲେ।