ଦକ୍ଷିଣ ଆଫ୍ରିକା ବିପକ୍ଷରେ ୧୦ ବଲ ଖେଳିଲେ, ୫ ଛକା ମାରି ୨ଟି ରେକର୍ଡ କଲେ ଉମେଶ ଯାଦବ
ରାଞ୍ଚି: ଦକ୍ଷିଣ ଆଫ୍ରିକା ବିପକ୍ଷରେ ରାଞ୍ଚିରେ ଜାରି ଥିବା ଟେଷ୍ଟ ମ୍ୟାଚରେ ଭାରତର ଉମେଶ ଯାଦବ ୨ଟି ରେକର୍ଡ ସୃଷ୍ଟି କରିଛନ୍ତି। ଭାରତର ଦ୍ରୁତ ବୋଲର ରବିବାର ବିସ୍ଫୋରକ ବ୍ୟାଟିଂ କରିଛନ୍ତି। ସେ ୧୦ଟି ବଲ ଖେଳି ୫ଟି ଛକା ମାରି ରେକର୍ଡ କରିଛନ୍ତି। ଉମେଶ ଯାଦବ ୫ଟି ଛକ ମାରିବା ସହ ୩୧ ରନ୍ କରିଛନ୍ତି। ଉମେଶ ଯାଦବ ୩୧୦ ଷ୍ଟ୍ରାଇକ୍ ରେଟ୍ରେ ରନ୍ ହାସଲ କରି ଏହି ରେକର୍ଡ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
Best tribute to @virendersehwag sir on his birthday by Umesh Yadav#HappybirthdaySehwag #virendersehwag #indiavssouthafrica pic.twitter.com/niVTwpC4fT
— Abhishek Ojha (अभिषेक ओझा) (@Abhishek_310396) October 20, 2019
ଉମେଶ ଯାଦବ ଦକ୍ଷିଣ ଆଫ୍ରିକା ବୋଲର ଜର୍ଜ ଲିଣ୍ଡେଙ୍କ ଶେଷ ୨ଟି ବଲକୁ ଛକା ମାରିଥିଲେ। ଜର୍ଜଙ୍କ ପରବର୍ତ୍ତୀ ଓଭରରେ ସେ ଓ୍ଵିକେଟ୍କିପର ହେନ୍ରିକ କାଲସେନଙ୍କ ଦ୍ୱାରା କ୍ୟାଚ୍ ଆଉଟ୍ ହେବା ପୂର୍ବରୁ ପୁଣି ୩ଟି ଛକା ମାରିଥିଲେ। ଉମେଶ ଟେଷ୍ଟ କ୍ୟାରିୟରରେ ଆଜି ସର୍ବୋଚ୍ଚ ସ୍କୋର କରିଛନ୍ତି।
ଉମେଶ ଯାଦବଙ୍କ ପୂର୍ବରୁ ଷ୍ଟିଫେନ୍ ଫ୍ଲେମିଂ ୧୧ଟି ବଲ ଖେଳି ୩୧ ରନ୍ କରିଥିଲେ। ଫ୍ଲେମିଂ ଦକ୍ଷିଣ ଆଫ୍ରିକା ବିପକ୍ଷରେ ୨୦୦୪ରେ ଏହି ରେକର୍ଡ କରିଥିଲେ। ୱେଷ୍ଟଇଣ୍ଡିଜ୍ର ବୋଲର ନାମ ମ୍ୟାକ୍ଲନ୍ ୧୨ଟି ବଲ ଖେଳି ଦକ୍ଷିଣ ଆଫ୍ରିକା ବିପକ୍ଷରେ ୩୧ ରନ୍ କରିଥିଲେ। ପାକିସ୍ତାନର ଅବଦୁଲ ରଜାକ୍ ଜିଓ୍ଵାମ୍ବେ ବିପକ୍ଷରେ ୧୭ଟି ବଲ ଖେଳି ୪୩ ରନ୍ କରିଥିଲେ।