ବିଜୟ ହଜାରେ ଟ୍ରଫି : ପରାଜୟ ସହ ଓଡ଼ିଶା ଅଭିଯାନ ଶେଷ
କଟକ : ପରାଜୟ ସହ ବିଜୟ ହଜାରେ ଟ୍ରଫିରେ ଓଡ଼ିଶାର ଅଭିଯାନ ଶେଷ ହୋଇଛି। ବୁଧବାର ଶେଷ ମ୍ୟାଚ୍ରେ ଓଡ଼ିଶା ୫ ଵିକେଟରେ ଉତ୍ତରପ୍ରଦେଶ ନିକଟରୁ ପରାସ୍ତ ହୋଇଛି। ଏହି ପରାଜୟ ଫଳରେ ଓଡ଼ିଶା ପ୍ରତିଯୋଗିତାରେ ମୋଟ ୮ ମ୍ୟାଚ୍ରୁ ୩ ବିଜୟ ଓ ୪ ପରାଜୟ ସହ ୧୪ ପଏଣ୍ଟରେ ସନ୍ତୁଷ୍ଟ ରହିଛି। ପ୍ରତିଯୋଗିତା ଆରମ୍ଭରୁ ହିମାଚଳ ପ୍ରଦେଶକୁ ୩ ରନ୍ରେ, ମହାରାଷ୍ଟ୍ରକୁ ୩ ଵିକେଟରେ ଓ ବିଦର୍ଭକୁ ୩୨ ରନ୍ରେ ହରାଇଥିବା ଓଡ଼ିଶା ପରେ ହରିଆଣାଠୁ ୪ ଵିକେଟରେ, ଦିଲ୍ଲୀଠୁ ୬୩ ରନ୍ରେ, ବରୋଦାଠୁ ୯ ଵିକେଟରେ ହାରିଯାଇଥିଲା। ପଞ୍ଜାବ ବିପକ୍ଷ ମ୍ୟାଚ୍ ବର୍ଷା ଯୋଗୁଁ ଧୋଇ ଯାଇଥିଲା।
Sambad is now on WhatsApp
Join and get latest news updates delivered to you via WhatsApp
ବୁଧବାର ଶେଷ ମ୍ୟାଚ୍ରେ ଉତ୍ତରପ୍ରଦେଶ ଟସ୍ ଜିତି ବୋଲି˚ କରିଥିଲା। ଓଡ଼ିଶା ୪୧.୪ ଓଭରରେ ସମସ୍ତ ଵିକେଟ ହରାଇ ୧୨୮ ରନ୍ ରନ୍ କରିଥିଲା। ସ୍ବସ୍ତିକ ସାମଲ ୧୨, ଦେବାଶିଷ ସାମନ୍ତରାୟ ୨୪, ଶୁଭ୍ରା˚ଶୁ ସେନାପତି ୩୧, ଗୋବିନ୍ଦ ପୋଦ୍ଦାର ୨୪, ଅଭିଷେକ ରାଉତ ୧୫* ରନ୍ କରିଥିଲେ। ବିପକ୍ଷ ଦଳର ମୋହସିନ ଖାନ୍ ୬ ଵିକେଟ ଅକ୍ତିଆର କରିଥିଲେ। ଜବାବରେ ୧୨୯ ରନ୍ର ଲକ୍ଷ୍ୟକୁ ଉତ୍ତରପ୍ରଦେଶ ୨୯.୩ ଓଭରରେ ୫ ଵିକେଟ ବିନିମୟରେ ହାସଲ କରିଥିଲା। ଓଡ଼ିଶା ପାଇଁ ସୂର୍ଯ୍ୟକାନ୍ତ ପ୍ରଧାନ ୨, ରାଜେଶ ମହାନ୍ତି, ଦେବବ୍ରତ ପ୍ରଧାନ, ପପୁ ରଏ ଗୋଟିଏ ଲେଖାଏଁ ଵିକେଟ ପାଇଥିଲେ।