Sambad is now on WhatsApp
Join and get latest news updates delivered to you via WhatsApp
ଭୁବନେଶ୍ୱର: ଗୁରୁବାରଠାରୁ ହରିଆଣାର କର୍ନଲ୍ ଇନ୍ଡୋର୍ ଷ୍ଟାଡିୟମ୍ରେ ଉଦ୍ଘାଟିତ ଦଶମ ଜାତୀୟ ହ୍ଵିଲ୍ଚେୟାର ଫେନସିଂ ପ୍ରତିଯୋଗିତାରେ ଓଡ଼ିଶା ୨ ସ୍ୱର୍ଣ୍ଣ ପଦକରୁ ଅଭିଯାନ ଆରମ୍ଭ କରିଛି। ଅନ୍ତର୍ଜାତୀୟ ଅଭିଜ୍ଞ ଭି ରମେଶ ରାଓ, ରାଖାଲ ସେଠୀଙ୍କ ସହିତ ପ୍ରଭାକର ବେହେରା ଓ ଅକ୍ଷୟ କୁମର ସାହୁୁଙ୍କୁ ନେଇ ଗଠିତ ଓଡ଼ିଶା ଦଳ ଉଭୟ ଫଏଲ୍ ଓ ଏପିରେ ଗୋଟିଏ ଲେଖାଏଁ ସ୍ୱର୍ଣ୍ଣ ପଦକ ଜିତିଛି। ଫଏଲ୍ର ଚୂଡାନ୍ତ ମୁକାବିଲାରେ ହରିଆନାକୁ ୧୫-୩ ପଏଣ୍ଟ୍ ବ୍ୟବଧାନରେ ପରାସ୍ତ କରିଥିଲେ। ଗତବର୍ଷ ଓଡ଼ିଶା ନବମ ସଂସ୍କରଣରେ ଉପ ବିଜେତା ହୋଇଥିବାରୁ ଏଥର ଉନ୍ନତ ପ୍ରଦର୍ଶନ କରିବ ବୋଲି ଆଶା ରଖିଛି। ବିଦେଶୀ ପ୍ରଶିକ୍ଷକ ସୁହାତୋ ବଳଦେବ ସିଂହଙ୍କ ପ୍ରତ୍ୟେକ୍ଷ ତତ୍ୱାବଧାନରେ ଓଡ଼ିଶା ଦଳ ଏହି ପ୍ରତିିଯୋଗିତାରେ ଭାଗନେଇଛି।