ପୁରୀ: ସେବାୟତମାନେ ଆନ୍ଦୋଳନରେ ବସିବାରୁ ଗୁରୁବାର ପ୍ରତ୍ୟୁଷରେ ଶ୍ରୀମନ୍ଦିରର ବିଭିନ୍ନ ନୀତିରେ ଦୁଇ ଘଣ୍ଟା ବିଳମ୍ବ ହୋଇଛି।
Sambad is now on WhatsApp
Join and get latest news updates delivered to you via WhatsApp
ପ୍ରତିଶ୍ରୁତି ଅନୁସାରେ, ସାହାଣମେଲା ଓ ପରିମାଣିକ ଦର୍ଶନ ବନ୍ଦ ଯୋଗୁଁ ସେବକମାନଙ୍କ କ୍ଷତିପୂରଣ ବାବଦ ଅର୍ଥ ପ୍ରତି ମାସରେ ଦିଆ ଯାଉ ନ ଥିବାରୁ ଆଜି ସେବକମାନେ ଅସହଯୋଗ ଆରମ୍ଭ କରିଥିଲେ। ପ୍ରତି ମାସରେ ଏହି ଅର୍ଥ ଦିଆଯିବ ବୋଲି ଶ୍ରୀମନ୍ଦିର ପ୍ରଶାସନ ପ୍ରତିଶ୍ରୁତି ଦେଇଥିଲେ।
ବିନା ଅର୍ଥରେ ପାଳିଆ ସେବକମାନଙ୍କୁ ଡକା ନ ଯାଉ ବୋଲି ଉଲ୍ଲେଖ କରି ଶ୍ରୀମନ୍ଦିରର ମୁଖ୍ୟ ପ୍ରଶାସକଙ୍କ ପାଖକୁ ନିବେଦନ ପତ୍ର ଦେଇଛନ୍ତି।
ଦୁଇ ଘଣ୍ଟା ପରେ ଆନ୍ଦୋଳନରତ ସେବକମାନେ ପୁଣି ଶ୍ରୀମନ୍ଦିର ଦୈନନ୍ଦିନ ନୀତି ଆରମ୍ଭ କରିଛନ୍ତି।