ଡାକରା ପାଇ ତିନି କଂଗ୍ରେସ ନେତା ଦିଲ୍ଲୀ ଯିବେ, ୧୯ରେ ରାହୁଲଙ୍କୁ ଭେଟିବେ

1 711

ନୂଆଦିଲ୍ଲୀ : ଖୁବ୍ ଶୀଘ୍ର ରାଜ୍ୟ କଂଗ୍ରେସରେ ସଂଗଠନିକ ଅଦଳବଦଳ ହେବା ଚର୍ଚ୍ଚା ଏବେ ଜୋର ଧରିଛି।  କଂଗ୍ରେସର  ରାଜ୍ୟ ପ୍ରଭାରୀ  ବଦଳିବା ପରେ  ତିନି ଜଣ  କଂଗ୍ରେସ ନେତାଙ୍କୁ ଦିଲ୍ଲୀ ଡାକରା ଆସିଛି । ଓଡ଼ିଶା କଂଗ୍ରେସର ୩ ବରିଷ୍ଠ ନେତା  ଚିରଂଜୀବୀ ବିଶ୍ୱାଳ, ପ୍ରଦୀପ ମାଝୀ ଓ ନବ ଦାସ ଦିଲ୍ଲୀ ଯିବେ । ନୂଆ କରି ଦାୟିତ୍ୱ ନେଇଥିବା ଓଡିଶା ପ୍ରଭାରୀ ଜୀତେନ୍ଦ୍ର ସିଂହ ଦଳୀୟ ବ୍ୟାପାର ନେଇ ଏମାନଙ୍କ ସହ ଆଲୋଚନା କରିବେ ବୋଲି ଜଣାପଡ଼ିଛି ।

ଅନ୍ୟପକ୍ଷରେ  ଆସନ୍ତା ୧୯ରେ ଏହି ୩ ନେତା କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀଙ୍କୁ ଭେଟିବାର କାର୍ଯ୍ୟକ୍ରମ ରହିଛି । କଂଗ୍ରେସର ନବକଳେବର ଓ ପିସିସି ନେତୃତ୍ୱ ପରିବର୍ତନ ଚର୍ଚ୍ଚା ଭିତରେ ଏହି ୩ ନେତାଙ୍କ ଦିଲ୍ଲୀ ଗସ୍ତ ରାଜ୍ୟ ରାଜନୀତିକୁ ସରଗରମ କରିଛି । କିଛି ଦିନ ପୂର୍ବରୁ ଓଡିଶା କଂଗ୍ରେସରେ ଆମୂଳଚୂଳ ପରିବର୍ତନ ନେଇ ସଂକେତ ଦେଇଥିଲେ ପିସିସି ସଭାପତି ପ୍ରସାଦ ହରିଚନ୍ଦନ । ବୁଥରୁ ବ୍ଲକ ସ୍ତର ଯାଏ ସାଂଗଠନିକ ପୁର୍ନବିନ୍ୟାସ ନେଇ ଏହି ବୈଠକରୁ ମୂଳଦୂଆ ପଡିବ ବୋଲି ଆକଳନ କରାଯାଉଛି ।

ସମ୍ବନ୍ଧିତ ଖବର

Leave A Reply

Your email address will not be published.

1 Comment
  1. UMESH MOHAPATRA says

    improvement required