୩୦ ଫୁଟର ମୃତ ତିମି ଉଦ୍ଧାର

ରାଜନଗର: କେନ୍ଦ୍ରାପଡ଼ା ଜିଲ୍ଲା ରାଜନଗର ବ୍ଲକ ଅନ୍ତର୍ଗତ ବୈତରଣୀ ନଦୀ କୂଳ ସମୁଦ୍ର ମୁହାଣରେ ପୁଣି ଏକ ତିମିର ମୃତଦେହ ମିଳିଛି। ଅହିରାଜପୁର ନିକଟରେ ଏହି ତିମିର ମୃତଦେହ ଠାବ କରାଯାଇଛି। ଏହାର ଲମ୍ବ ୩୦ ଫୁଟ ହେବ। ଲୋକେ ଏ ସମ୍ପର୍କରେ ବନ ବିଭାଗକୁ ଖବର ଦେବା ପରେ କର୍ମଚାରୀମାନେ ଘଟଣାସ୍ଥଳରେ ପହଞ୍ଚିଛନ୍ତି। ମୃତ୍ୟୁର କାରଣ ସ୍ପଷ୍ଟ ହୋଇ ନାହିଁ। ସୂଚନା ଥାଉ କି, ମାସକ ତଳେ ହବାଳୀ ଖଟି ନିକଟରେ ୨୫ ଫୁଟ ଲମ୍ବର ଏକ ତିମିର ମୃତ୍ୟୁ ଘଟିଥିଲା।