ମାଓବାଦୀ ନାଁରେ ଚାନ୍ଦା ଆଦାୟ : ୪ ନକଲି ନକ୍ସଲ ଗିରଫ
ରାୟଗଡା : ମାଓବାଦୀଙ୍କ ନାଁରେ ଚାନ୍ଦା ଆଦାୟ କରୁଥିବା ଗ୍ୟାଙ୍ଗକୁ କାବୁ କରିଛି ରାୟଗଡା ପୁଲିସ୍। ମାମଲାରେ ପୁଲିସ୍ ୪ ଜଣଙ୍କୁ ଗିରଫ କରିଛି। ଗିରଫ ଅଭିଯୁକ୍ତମାନେ ହେଲେ ବାମନାଗୁଡା ଗ୍ରାମର ବଳରାମ ନାଏକ, ଜଳଖୁରା ଗ୍ରାମର ଭରତ ନାଏକ, ପି. ମାଳିଗାଁର ରମେଶ ନାଏକ ଓ ବାୟାମଣି ନାଏକ। ସମସ୍ତଙ୍କ ଘର କାଶୀପୁର ଥାନା ଅଞ୍ଚଳରେ। ପୁଲିସ୍ ଅଭିଯୁକ୍ତଙ୍କ ନିକଟରୁ ୧ ଲକ୍ଷ ୮୦ ହଜାର ଟଙ୍କା, ୩ଟି ବାଇକ୍, ୫ଟି ମୋବାଇଲ୍ ଓ ନକ୍ସଲ ପୋଷ୍ଟର୍ ଜବତ କରିଛି। ଗିରଫ ପରେ ସମସ୍ତଙ୍କୁ କୋର୍ଟଚାଲାଣ କରିଛି ପୁଲିସ୍। ରାୟଗଡା ଟାଉନ୍ ଥାନା ପରିସରରେ ଅନୁଷ୍ଠିତ ସାମ୍ବାଦିକ ସମ୍ମିଳନୀରେ ଜିଲ୍ଲା ଆରକ୍ଷୀ ଅଧୀକ୍ଷକ ରାହୁଲ୍ ପି. ଆର୍ ଏହି ସୂଚନା ଦେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ଦୀର୍ଘ ୬ ମାସ ହେଲା ଏହି ଗ୍ୟାଙ୍ଗ୍ କାଶୀପୁର ବ୍ଲକରେ ମାଓବାଦୀଙ୍କ ନାଁରେ ନକଲି ପୋଷ୍ଟର ମାରି ବେଆଇନ ଭାବେ ଚାନ୍ଦା ଆଦାୟ କରି ଆସୁଥିବା ପୁଲିସ୍ କହିଛି।