୩୪ଟି ବୁଥରେ ସାନି ମତଦାନ : ପ୍ରାୟ ୭୩% ମତଦାନ – ସିଇଓ କାର୍ଯ୍ୟାଳୟ
ଭୁବନେଶ୍ବରରେ ମାତ୍ର ୩୯.୯୩% ମତଦାନ, ପୁରୀ ଜିଲ୍ଲାରେ ମତଦାନ ଉତ୍ସାହଜନକ
ଭୁବନେଶ୍ବର : ଆଜି ଅନ୍ତିମ ପର୍ଯ୍ୟାୟ ନିର୍ବାଚନରେ ଓଡ଼ିଶାରେ ୩୪ଟି ବୁଥରେ ସାନି ମତଦାନ ଶାନ୍ତିପୂର୍ଣ୍ଣ ଭାବେ ସମ୍ପନ୍ନ ହୋଇଛି। ୧୧ଟି ଲୋକସଭା ନିର୍ବାଚନ ମଣ୍ଡଳୀରେ ଅନୁଷ୍ଠିତ ହୋଇଥିବା ସାନି ମତଦାନରେ ପ୍ରାୟ ୭୩% ଭୋଟର ମତଦାନ କରିଥିବା ରାଜ୍ୟ ମୁଖ୍ୟ ନିର୍ବାଚନ ଅଧିକାରୀଙ୍କ କାର୍ଯ୍ୟାଳୟ ପକ୍ଷରୁ ପ୍ରକାଶ କରାଯାଇଛି। ଭୁବନେଶ୍ବର ମଧ୍ୟ ବିଧାନସଭା ନିର୍ବାଚନ ମଣ୍ଡଳୀ ପାଇଁ ବୁଥ ନମ୍ବର ୧୨୭ ସହିଦନଗର ହାଇସ୍କୁଲରେ ମାତ୍ର ୩୯.୯୩% ମତଦାନ ହୋଇଛି।
Sambad is now on WhatsApp
Join and get latest news updates delivered to you via WhatsApp
ସିଇଓଙ୍କ କାର୍ଯ୍ୟାଳୟର ତଥ୍ୟ ଅନୁଯାୟୀ ‘ଫନି’ ଦ୍ବାରା ଅଧିକ ମାତ୍ରାରେ ପ୍ରଭାବିତ ପୁରୀ ଜିଲ୍ଲାରେ ମତଦାନ ହାର ଉତ୍ସାହଜନକ ରହିଛି। ପୁରୀ ଲୋକସଭା ଅନ୍ତର୍ଗତ ବ୍ରହ୍ମଗିରି ବିଧାନସଭା ନିର୍ବାଚନମଣ୍ଡଳୀର ବାଘମୁଣ୍ଡାରେ ୮୨% ପ୍ରତିଶତ ମତଦାନ ହୋଇଥିବାବେଳେ କମାଶାସନରେ ୭୭.୮% ମତଦାନ ହୋଇଛି। ସେହିପରି ଯାଜପୁର ଲୋକସଭା ନିର୍ବାଚନ ମଣ୍ଡଳୀର ୯ଟି ବୁଥରୁ ସୁକିନ୍ଦା ନିର୍ବାଚନ ମଣ୍ଡଳୀର ବୁଥ ନମ୍ବର ୧୯୬ ଓଲାଳ ପ୍ରାଥମିକ ବିଦ୍ୟାଳୟ ମତଦାନ କେନ୍ଦ୍ରରେ ୮୪% ଭୋଟର ସେମାନଙ୍କର ମତାଧିକାର ସାବ୍ୟସ୍ତ କରିଛନ୍ତି। ସମ୍ବଲପୁର ଲୋକସଭାର ଦେବଗଡ଼ ନିର୍ବାଚନ ମଣ୍ଡଳୀରେ ବୁଥ ନମ୍ବର ୧୮୩ ସିଆରିଆ ପ୍ରାଥମିକ ବିଦ୍ୟାଳୟରେ ୭୮.୬% ମତଦାନ ହୋଇଥିବା ସିଇଓଙ୍କ କାର୍ଯ୍ୟାଳୟରୁ ଜଣାପଡ଼ିଛି।