ଅଜଣା ଗାଡ଼ି ଧକ୍କାରେ ବାଇକ୍ ଆରୋହୀଙ୍କ ମୃତ୍ୟୁ
ବାଲେଶ୍ୱର: ବାଲେଶ୍ୱର ଜିଲ୍ଲା ଖନ୍ତାପଡ଼ା ଥାନା ଅନ୍ତର୍ଗତ ଗଉଡୁଣୀ ପୋଖରୀ ନିକଟରେ ଏକ ଅଜଣା ଗାଡ଼ି ଧକ୍କାରେ ଜଣେ ବାଇକ୍ ଆରୋହୀଙ୍କ ମୃତ୍ୟୁ ଘଟିଥିବା ଜଣାଯାଇଛି। ମୃତକଙ୍କ ନାମ ସନ୍ତୋଷ କୁମାର ରାଉତ ବୋଲି ଜଣାଯାଇଛି। ତାଙ୍କର ବୟସ ୨୩ ବର୍ଷ ବୋଲି ବି ଜଣାଯାଇଛି। ତାଙ୍କ ଘର ବାଲେଶ୍ୱରସ୍ଥିତ ପାତ୍ରପଡ଼ା ଅଞ୍ଚଳରେ ବୋଲି ବି ସୂଚନା ମିଳିଛି।
Sambad is now on WhatsApp
Join and get latest news updates delivered to you via WhatsApp
ସନ୍ତୋଷ ନିଜ ସାଙ୍ଗମାନଙ୍କ ସହ ସୋରରୁ ବାଲେଶ୍ୱର ଯାଉଥିବା ବେଳେ ଏହି ଦୁର୍ଘଟଣା ଘଟିଥିବା କୁହାଯାଉଛି। ସନ୍ତୋଷ କୁମାର ରାଉତଙ୍କ ବାଇକକୁ ପଛପଟୁ ଏକ ଟ୍ରକ୍ ଧକ୍କା ଦେବାଫଳରେ ସେ ଗୁରୁତର ହୋଇଥିଲେ।। ଘଟଣାସ୍ଥଳରେ ହିଁ ସନ୍ତୋଷଙ୍କ ମୃତ୍ୟୁ ଘଟିଥିବା କୁହାଯାଉଛି।ଏହି ଦୁର୍ଘଟଣା ରାତି ପ୍ରାୟ ଗୋଟାଏ ବେଳେ ଘଟିଥିବା ଜଣାଯାଇଛି।
ଅପରପକ୍ଷରେ ଅନ୍ୟ ଜଣେ ଆହତ ଯୁବକଙ୍କୁ ଶେରଗଡ଼ ଟୋଲଗେଟ୍ କର୍ମଚାରୀ ଉଦ୍ଧାର କରି ବାଲେଶ୍ୱର ଜିଲ୍ଲା ମୁଖ୍ୟ ଡାକ୍ତରଖାନାରେ ଭର୍ତ୍ତି କରିଥିବା ଜଣାଯାଇଛି।ଏଣେ ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରୁଥିବା ଜଣାଯାଇଛି। ଏହି ରିପୋର୍ଟ ପ୍ରସ୍ତୁତ ହେବା ବେଳକୁ ଦୁର୍ଘଟଣା ଘଟାଇଥିବା ଗାଡ଼ି ସଂପର୍କରେ କିଛି ସୂଚନା ମିଳି ନାହିଁ।