ଜିଲ୍ଲା ପ୍ରଶାସନର ହସ୍ତକ୍ଷେପ: ଜୟଶ୍ରୀ-ଭାଗ୍ୟଶ୍ରୀଙ୍କୁ ୨ ବର୍ଷ ପରେ ମିଳିଲା ସାର୍ଟିଫିକେଟ୍
ରାଉରକେଲା: ରାଉରକେଲା ସେଣ୍ଟ୍ ମେରୀ ସ୍କୁଲର ପୂର୍ବତନ ୨ ଛାତ୍ରୀ ତଥା ଦୁଇ ଭଉଣୀଙ୍କୁ ବୁଧବାର ଦଶମ ଶ୍ରେଣୀ ସାର୍ଟିଫିକେଟ ମିଳିଛି। ଜିଲ୍ଲା ପ୍ରଶାସନର ହସ୍ତକ୍ଷେପ ପରେ ୨ ପୂର୍ବତନ ଛାତ୍ରୀଙ୍କୁ ସାର୍ଟିଫିକେଟ ଦିଆଯାଇଛି। ଏହା ପୂର୍ବରୁ ସାର୍ଟିଫିକେଟ ଫେରାଇବାକୁ ସ୍କୁଲ କର୍ତ୍ତୃପକ୍ଷଙ୍କୁ ଜିଲ୍ଲାପାଳ ନିଖିଲ ପଓ୍ଵନ କଲ୍ୟାଣ ନିର୍ଦ୍ଦେଶ ଦେଇଥିଲେ।
Sambad is now on WhatsApp
Join and get latest news updates delivered to you via WhatsApp
ସୁନ୍ଦରଗଡ ଜିଲ୍ଲାର କୁଆଁରମୁଣ୍ଡା ଅଞ୍ଚଳର ରିଓଁ ଗ୍ରାମର ଧରଣୀଧର ସିଂଙ୍କ ଦୁଇ ଝିଅ ଜୟଶ୍ରୀ ଓ ଭାଗ୍ୟଶ୍ରୀ ରାଉରକେଲା ଜଗଦାସ୍ଥିତ ଇଂରାଜୀ ମିଡିୟମ ସେଂଟମେରୀ ସ୍କୁଲରେ ପାଠ ପଢୁଥିଲେ। ଅର୍ଥ ଅଭାବରେ ଦିନ କାଟୁଥିବା ଦୁଇ ଭଉଣୀ କୋଏଲ ନଦୀ ପାର ହୋଇ ପାଠ ପଢିବାକୁ ଯାଉଥିଲେ। ପରିବାରର ଆର୍ଥିକ ସ୍ଥିତି ଦୁର୍ବଳ ଥିବାରୁ ଜୟଶ୍ରୀ ଓ ଭାଗ୍ୟଶ୍ରୀ ସ୍କୁଲ ଫି ଦେଇପାରି ନ ଥିଲେ। ଦଶମ ବୋର୍ଡ ପରୀକ୍ଷା ସମୟରେ ମଧ୍ୟ ସ୍କୁଲ କର୍ତ୍ତୃପକ୍ଷ ଅର୍ଥ ଦେଇ ନ ପାରିବାରୁ ବହୁତ ହଇରାଣ କରିଥିଲେ।
ସୂଚନାଯୋଗ୍ୟ, ଜୟଶ୍ରୀ ଓ ଭାଗ୍ୟଶ୍ରୀ ୨୦୧୭ରୁ ପାସ କରିଥିଲେ ହେଁ ଉଭୟଙ୍କ ସ୍କୁଲର ବକେୟା ଫି ଥିବାରୁ ସ୍କୁଲ କର୍ତ୍ତୃପକ୍ଷ ସାର୍ଟିଫିକେଟ ଦେବାକୁ ମନା କରିଦେଇଥିଲେ। ଫଳରେ ଦୁଇ ଭଉଣୀ ଶେଷରେ ଗଣମାଧ୍ୟମକୁ ସବୁ କଥା କହିଥିଲେ।