ଅନୀତା ଦାସଙ୍କ ବିୟୋଗରେ ସାରା ଓଲିଉଡ ମ୍ରିୟମାଣ ହୋଇ ପଡ଼ିଛି। କାରଣ ସେ ଚାରି ଦଶନ୍ଧିରୁ ଅଧିକ ସମୟ ହେବ ଓଡ଼ିଆ ସିନେମାରେ ଅଭିନୟ କରି ଚାଲିଥିଲେ। ଏବେ ଆସନ୍ତୁ ଜାଣିବା ତାଙ୍କ ବିୟୋଗରେ କିଏ କିଭଳି ପ୍ରତିକ୍ରିୟା ଦେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
• ଅନୀତା ଦାସ ମୋର ସିନେମା ‘ମା ଓ ମମତା ଏବଂ ସ୍ୱପ୍ନସାଗରରେ କାମ କରିଥିଲେ। ତାଙ୍କ ଅଭିନୟର ଯେତେ ତାରିଫ୍ କଲେକମ୍ ହେବ। ତାଙ୍କ ବିୟୋଗରେ ଯେଉଁ ଶୂନ୍ୟସ୍ଥାନ ସୃଷ୍ଟି ହୋଇଛି,ତାହା ପୂରଣ ହୋଇପାରିବ ନାହିଁ ବୋଲି ମୁଁ ଭାବୁଛି :ପ୍ରଶାନ୍ତ ନନ୍ଦ(ଅଭିନେତା-ନିର୍ଦ୍ଦେଶକ)।
• ତାଙ୍କ ସହ ମୁଁ ଅନେକ ସିନେମାରେ କାମ କରିଛି। ସେହି ଅନୁଭୂତିରୁ କହୁଛି ଯେଅନୀତା ଦାସ ଜଣେ ଭଲ ମଣିଷ ଓ ଉତ୍ତମ କଳାକାର ଥିଲେ:ପ୍ରଦ୍ୟୁମ୍ନ ଲେଙ୍କା(ଅଭିନେତା-ପ୍ରଯୋଜକ)।
• ଅନୀତା ଅପାଙ୍କ ଅକାଳ ବିୟୋଗ ଓଲିଉଡ଼୍ ପାଇଁ ଅପୂରଣୀୟ କ୍ଷତି:ଅନୁ ଚୌଧୁରୀ(ଅଭିନେତ୍ରୀ)।
• ଅନୀତା ଦାସ କେବଳ ଯେ,ଜଣେ ଭଲ ଅଭିନେତ୍ରୀ ଥିଲେ,ତା’ ନୁହେଁ ବରଂ ତାଙ୍କ ଭିତରେ ପ୍ରବଳ ଆଧ୍ୟାତ୍ମିକ ଚେତନା ଥିଲା। ସେ ଭଗବାନଙ୍କୁ ବହୁତ ଭଲ ପାଉଥିଲେ। ସେ ବହୁ କଳାକାରଙ୍କ ପ୍ରେରଣା ଥିଲେ:ଅର୍ଚ୍ଚିତା(ଅଭିନେତ୍ରୀ)।
• ଅନୀତା ଦାସ ଜଣେ ଦକ୍ଷ ଅଭିନେତ୍ରୀ। ସେ ଏଭଳି ସବୁ ଚରିତ୍ରକୁ ପରଦାରେ ଫୁଟାଇଛନ୍ତି,ଯେଉଁଥିପାଇଁ ସେ ସର୍ବଦା ସ୍ମରଣୀୟ ହୋଇ ରହିବେ। ବିଜୟ ମହାନ୍ତି (ଅଭିନେତା)