ଭୁବନେଶ୍ୱର: ବାଲେଶ୍ୱର ଓ ବଲାଙ୍ଗିର ମେଡିକାଲ କଲେଜରେ ୨୦୧୮-୧୯ ଶିକ୍ଷାବର୍ଷରେ ନାମଲେଖା ହେବ। ଏଥିଲାଗି ଅନୁମତି ପତ୍ର ପ୍ରଦାନ କରିଛି ମେଡିକାଲ କାଉନ୍ସିଲ ଅଫ ଇଣ୍ଡିଆ। ଆଜି ଏ ନେଇ ବିଧିବଦ୍ଧ ସୂଚନା କାଉନ୍ସିଲ ପକ୍ଷରୁ ଜାରି କରାଯାଇଛି। ଏହାଫଳରେ ଏହି ଦୁଇ ଜିଲ୍ଲାରେ ସ୍ୱାସ୍ଥ୍ୟସେବାରେ ଉନ୍ନତି ଆସିବା ସହ ରାଜ୍ୟରେ ଡାକ୍ତରଙ୍କ ସଂଖ୍ୟା ବୃଦ୍ଧି ହୋଇପାରିବ ବୋଲି ଆଶା କରାଯାଉଛି।
Sambad is now on WhatsApp
Join and get latest news updates delivered to you via WhatsApp
ଅନ୍ୟପକ୍ଷରେ ବାରିପଦା ଓ କୋରାପୁଟ ମେଡିକାଲ କଲେଜରେ ୧୦୦ଲେଖାଏଁ ସିଟ୍ରେ ନାମଲେଖା ଲାଗି ମେଡିକାଲ କାଉନ୍ସିଲ ଅଫ୍ ଇଣ୍ଡିଆ ଅନୁମୋଦନ ପ୍ରଦାନ କରିଛି। ସେହିପରି କଟକ ଏସ୍ସିବି ମେଡିକାଲ କଲେଜ ଓ ବ୍ରହ୍ମପୁର ଏମ୍କେସିଜି ମେଡିକାଲ କଲେଜରେ ୨୫୦ଲେଖାଏଁ ସିଟ୍ରେ ନାମଲେଖା ଲାଗି କାଉନ୍ସିଲ ଅନୁମତି ଦେଇଛି। ୨୦୧୮-୧୯ ଶିକ୍ଷାବର୍ଷ ଲାଗି ଏମ୍କେସିଜିରେ ୨ଟି ସୁପରସ୍ପେଶିଆଲିଟି ସିଟ୍ (ଡିଏମ୍- ଏଣ୍ଡୋକ୍ରାଇନୋଲୋଜି) ବୃଦ୍ଧି କରାଯାଇଛି।