ଭୁବନେଶ୍ୱର ଆଜି ରାଜ୍ୟର ସବୁଠାରୁ ଉତ୍ତପ୍ତ ସହର, ୮ ସହରର ତାପମାତ୍ରା ୪୦ ଡିଗ୍ରୀ ଉପରେ
ଭୁବନେଶ୍ୱର : ଆଜି ଭୁବନେଶ୍ୱର ରାଜ୍ୟର ସବୁଠାରୁ ଉତ୍ତପ୍ତ ସହରର ମାନ୍ୟତା ପାଇଛି । ସହରରେ ଆଜି ସର୍ବୋଚ୍ଚ ତାପମାତ୍ରା ୪୩.୭ ଡିଗ୍ରୀ ସେଲସିୟସ ଥିଲା । ଭୁବନେଶ୍ୱର ତଳକୁ ରହିଛି ଅନୁଗୁଳ ସହର । ଅନୁଗୁଳର ସର୍ବୋଚ୍ଚ ତାପମାତ୍ରା ୪୨.୭ ଡିଗ୍ରୀ ସେଲସିୟସ ଥିଲା । ସେହିପରି ଟିଟିଲାଗଡ଼ର ସର୍ବୋଚ୍ଚ ତାପମାତ୍ରା ୪୨ଡିଗ୍ରୀ ସେଲସିୟସ ଥିଲା ।
Sambad is now on WhatsApp
Join and get latest news updates delivered to you via WhatsApp
ସେହିପରି କଟକରେ ୪୧.୧ ଡିଗ୍ରୀ ସେଲସିୟସ, ମାଲକାନଗିରି ୪୦.୮ଡିଗ୍ରୀ ସେଲସିୟସ, ଚାନ୍ଦବାଲି ୪୦.୫ଡିଗ୍ରୀ ସେଲସିୟସ, ଝାରସୁଗୁଡା ୪୦ ଡିଗ୍ରୀ ସେଲସିୟସ ଓ ତାଳଚେର ୪୩.୩ ଡିଗ୍ରୀ ସେଲସିୟସ ରେକର୍ଡ କରାଯାଇଛି । କିନ୍ତୁ ଆଜି ଦେଶର ସବୁଠାରୁ ଉତ୍ତପ୍ତ ସହର ଥିଲା ବିଦର୍ଭ ଅଞ୍ଚଳର ( ପୂର୍ବ ମହାରାଷ୍ଟ୍ର) ଚନ୍ଦ୍ରପୁର । ଏଠାରେ ସର୍ବୋଚ୍ଚ ତାପମାତ୍ରା ୪୪.୮ ଡିଗ୍ରୀ ସେଲସିୟସ ରେକର୍ଡ କରାଯାଇଥିବା ଭାରତୀୟ ପାଣିପାଗ ବିଭାଗ କହିଛି । ରାଜ୍ୟରେ ପ୍ରବଳ ଗ୍ରୀଷ୍ଣପ୍ରବାହ ଜାରି ରହିଥିବାରୁ ସରକାର ଆସନ୍ତା ୧୮ରୁ ସ୍କୁଲରେ ଗ୍ରୀଷ୍ଣଛୁଟି ଘୋଷଣା କରିଛନ୍ତି । ଆଗାମୀ କିଛି ଦିନ ପର୍ଯ୍ୟନ୍ତ ପ୍ରବଳ ତାତିରୁ ନିସ୍ତାର ମିଳିବାର ସମ୍ଭାବନା କମ ବୋଲି ପାଣିପାଗ ବିଭାଗ କହିଛି ।