ରାଉରକେଲା: ଭାଙ୍ଗିଲା ବ୍ରାହ୍ମଣୀ ସେତୁର ଆଉ ଏକ ସ୍ଲାବ । ଫଳରେ ସେତୁର ଉଭୟ ପାର୍ଶ୍ବରେ ପ୍ରାୟ ୪ କିଲୋମିଟର ପର୍ଯ୍ୟନ୍ତ ଅଟକି ରହିଥିଲା ଶହ ଶହ ଗାଡ଼ି ମୋଟର । ୧୪୩ ନଂ ଜାତୀୟ ରାଜପଥର ଉଭୟ ପାର୍ଶ୍ବରେ ଶହ ଶହ ଗାଡ଼ି ଠିଆ ହୋଇ ରହିଥିବା ବେଳେ ଲୋକେ ନାହିଁ ନ ଥିବା ଅସୁବିଧାର ସମ୍ମୁଖୀନ ହେଉଛନ୍ତି। ଯିବା ଆସିବା ଯୋଗ୍ୟ ରାସ୍ତାରେ ମରାମତି କାମ ଚାଲିଥିବାରୁ ଜାମ ଲାଗି ରହିଛି । ରାଉରକେଲାରେ ଏଭଳି ପରିସ୍ଥିତିରେ ଟ୍ରାଫିକ ନିୟନ୍ତ୍ରଣ ପାଇଁ ୧ ପ୍ଲାଟୁନ ପୁଲିସ ମୁତୟନ ହୋଇଥିଲେ ସୁଦ୍ଧା ଘଣ୍ଟା ଘଣ୍ଟା ଧରି ଜାମ ଲାଗି ରହିଛି ।
Sambad is now on WhatsApp
Join and get latest news updates delivered to you via WhatsApp
ପ୍ରକାଶ ଯେ ତିନି ବର୍ଷ ପୂର୍ବରୁ କେନ୍ଦ୍ରମନ୍ତ୍ରୀ ନୀତିନ ଗଡ଼କରୀ ଦ୍ବିତୀୟ ବ୍ରାହ୍ମଣୀ ସେତୁର ଶିଳାନ୍ୟାସ କରିଥିଲେ ମଧ୍ୟ ଏପର୍ଯ୍ୟନ୍ତ ଏହାର କାମରେ ବିଶେଷ ଅଗ୍ରଗତି ହୋଇନାହିଁ । ଅନ୍ୟପଟେ ଏବେ ଭାଙ୍ଗି ଯାଇଥିବା ସ୍ଲାବ ସ୍ଥାନରେ ଏକ ଲୁହା ପ୍ଲେଟ ପକାଯାଇଛି । ହେଲେ ଲୋକମାନେ ପ୍ଲେଟ ଉପରେ ନିଜର ଗାଡ଼ି ନେଇ ଯିବାକୁ ଡରୁ ଥିବାରୁ ଗାଡି ମୋଟରର ଭିଡ଼ ଲାଗି ରହିଛି ।ବର୍ତ୍ତମାନ ଭିଡ଼ ସାମାନ୍ୟ ନିୟନ୍ତ୍ରିତ ହେବା ସହ ଧୀରେ ଧୀରେ ସେତୁ ଦେଇ ଗାଡ଼ି ମୋଟର ଯିବା ଆରମ୍ଭ ହୋଇଛି ।