ଭୁବନେଶ୍ବର: ବିଜେପୁର ଉପନିର୍ବାଚନ ପାଇଁ ଶେଷ ହୋଇଛି ପ୍ରଚାର । ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ ସୁଶୀଲ ଲୋହାନି ଆଜି ଗଣମାଧ୍ୟମକୁ ସୂଚନା ଦେଇ କହିଛନ୍ତି ଯେ ବାହାରୁ ବିଜେପୁର ଯାଇଥିବା ନେତାଙ୍କୁ ସନ୍ଧ୍ୟା ୫ଟା ସୁଦ୍ଧା ନିବାଚନମଣ୍ଡଳୀ ଛାଡିବାକୁ ନିର୍ଦ୍ଦେଶ ଦିଆଯାଇଛି । ଯଦି କେହି ଏହାକୁ ଉଲ୍ଲଘଂନ କରନ୍ତି ତେବେ ସେମାନଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଶ କରାଯିବ।
Sambad is now on WhatsApp
Join and get latest news updates delivered to you via WhatsApp
ବିଜେପୁର ଉପନିର୍ବାଚନ ପାଇଁ ୨୪୩ଟି ସ୍ଥାନରେ ୨୮୫ଟି ପୋଲିଂ ବୁଥ କରାଯାଇଛି । ଏଥିରୁ ୧୨୯ଟି ସମ୍ବେଦନଶୀଳ ବୁଥ ଚିହ୍ନଟ କରାଯାଇଥିବା ୨୮ଟି ବୁଥରେ ୱେବ୍ କାଷ୍ଟିଂ ଓ ୧୪ଟି ବୁଥରେ ସିସିଟିଭି ଲାଗିଥିବା ନେଇ ସୂଚନା ଦେଇଛନ୍ତି ସୁଶୀଲ ଲୋହାନି ।
ବିଜେପୁରର ମୈଦାନରେ ଅବତୀର୍ଣ୍ଣ ହୋଇଥିବା ୫ ଜଣ ପ୍ରାର୍ଥୀଙ୍କ ଭାଗ୍ୟ ନିର୍ଣ୍ଣୟ କରିବେ ୨୩୨୨୬୪ ଜଣ ଭୋଟର । ଭୋଟର ପରିଚୟ ପତ୍ର ବ୍ୟତୀତ ଅନ୍ୟ ୧୧ଟି ଦସ୍ତାବିଜ ଦେଖାଇ ଭୋଟ ଦେଇପାରିବେ । ଚଳିତ ଉପନିର୍ବାଚନରେ ମ୍ୟାକ୍ ୩ ଇଭିଏମ ବ୍ୟବହାର କରାଯିବ । ଦିବ୍ୟାଙ୍ଗ ଭୋଟରଙ୍କ ପାଇଁ ସ୍ୱତନ୍ତ୍ର ବ୍ୟବସ୍ଥା କରାଯାଇଛି ।