ମୋବାଇଲ ସଂଯୋଗ ନକାଟିବାକୁ କେନ୍ଦ୍ରକୁ ଚିଠି ଲେଖିଲେ ରାଜ୍ୟ ସରକାର
ଭୁବନେଶ୍ୱର: ଲକଡାଉନ ସମୟରେ ମୋବାଇଲ ସଂଯୋଗ ନକାଟିବା ପାଇଁ କେନ୍ଦ୍ର ସରକାରଙ୍କୁ ରାଜ୍ୟ ସରକାର ଚିଠି ଲେଖିଛନ୍ତି । କେନ୍ଦ୍ର ଟେଲିକମ ସଚିବଙ୍କୁ ରାଜ୍ୟ ସରକାରଙ୍କ ମୁଖ୍ୟ ଶାସନ ସଚିବ ଅସିତ କୁମାର ତ୍ରିପାଠୀ ଚିଠି ଲେଖି କହିଛନ୍ତି, ଲକଡାଉନ ଯୋଗୁଁ ଏବେ ଦୋକାନ ବଜାର ବନ୍ଦ ରହିଛି । ଲୋକେ ମୋବାଇଲ ଫୋନ୍ ରିଚାର୍ଜ କରିପାରୁ ନାହାନ୍ତି। ରିଚାର୍ଜ ଅଭାବରୁ ଅନେକ ଲୋକଙ୍କ ସଂଯୋଗ ବିଚ୍ଛିନ୍ନ ହେବାର ଆଶଙ୍କା ରହିଛି । ତେଣୁ ଏଭଳି ଏକ ସଂକଟ ସମୟରେ ଆଗାମୀ ୩ ମାସ ପର୍ଯ୍ୟନ୍ତ ମୋବାଇଲ ସଂଯୋଗ ନକାଟିବାକୁ ଅନୁରୋଧ।
Sambad is now on WhatsApp
Join and get latest news updates delivered to you via WhatsApp
ମୁଖ୍ୟ ସଚିବ ଚିଠିରେ ଉଲ୍ଲେଖ କରିଛନ୍ତି ଯେ, ଅତିକମରେ ଇନକମିଂ ସୁବିଧା ଦିଆଯାଉ । ନହେଲେ ପରିବାର ଲୋକଙ୍କ ସହ ଯୋଗାଯୋଗରେ ଅସୁବିଧା ହେବ । ସେହିଭଳି ସରକାରଙ୍କ ସୂଚନା ଲୋକଙ୍କ ପାଖରେ ପହଞ୍ଚିବାରେ ଅସୁବିଧା ହେବ।