ଆଜିଠାରୁ ଆରମ୍ଭ ହେଲା ବାତ୍ୟା ଫନିର କ୍ଷତି ଆକଳନ ପ୍ରକ୍ରିୟା, ମେ’୨୨ସୁଦ୍ଧା ଶେଷ ହେବା ନେଇ ସୂଚନା
ଭୁବନେଶ୍ୱର : ବାତ୍ୟା ଫନିକୁ ୧୩ଦିନ ବିତି ଯାଇଥିବା ବେଳେ ଏବେ ଓଡ଼ିଶାକୁ ପୁଣି ଥରେ ନୂଆ କରି ଗଢ଼ିବାରେ ଲାଗି ପଡ଼ିଛନ୍ତି ସରକାର । ଆଜିଠାରୁ ବାତ୍ୟା ଫନି ଦ୍ୱାରା କ୍ଷତିଗ୍ରସ୍ତ ହୋଇଥିବା ଜିଲ୍ଲାଗୁଡ଼ିକୁ ସ୍ୱତନ୍ତ୍ର ରିଲିଫ୍ କମିସନରଙ୍କ ଦ୍ୱାରା ଗଠନ କରାଯାଇଥିବା ଟିମ୍ କ୍ଷତି ଆକଳନ ପାଇଁ ବାହାରିବେ ବୋଲି ସୂଚନା ମିଳିଛି । ଏ ନେଇ ମୋବାଇଲ ଯୋଗେ ମେସେଜ ପଠାଇ ସ୍ୱତନ୍ତ୍ର ରିଲିଫ୍ କମିସନର ସୂଚନା ଦେଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଏହି ମେସେଜରେ, ବାତ୍ୟା ଫନି ଦ୍ୱାରା କ୍ଷତିଗ୍ରସ୍ତ ଜିଲ୍ଲାଗୁଡ଼ିକରେ ବିଭାଗୀୟ କର୍ମଚାରୀ ଦଳ ଘର ଘର ଯାଇ କ୍ଷତି ଆକଳନ କରିବେ । ଘର, ଫସଲ, ପ୍ରାଣୀ ସମ୍ପଦ, ଡ଼ଙ୍ଗା ଓ ଜାଲ, ମାଛ ପୋଖରୀ, ମାଛ ଯାଁଳ କେନ୍ଦ୍ର, ହସ୍ତତନ୍ତ ଓ ହସ୍ତଶିଳ୍ପ କାରିଗରଙ୍କ କ୍ଷୟକ୍ଷତି ସମ୍ପର୍କରେ ତଥ୍ୟ ସଂଗ୍ରହ ଏବଂ ହିତାଧିକାରୀଙ୍କ ତାଲିକା ପ୍ରସ୍ତୁତ କରିବେ । ଏହି କାର୍ଯ୍ୟ ମେ’ ୨୨ ତାରିଖ ସୁଦ୍ଧା ଶେଷ ହେବ ବୋଲି ଲେଖାଯାଇଛି ।