ଭୁବନେଶ୍ୱର: ବରଗଡ ବିଜେପୁର ଉପନିର୍ବାଚନ ପାଇଁ ପୁଲିସର ସମୀକ୍ଷା ବୈଠକ । ବରଗଡ ପୁଲିସ ମୁଖ୍ୟାଳୟରେ ବସିଥିବା ବୈଠକରେ ନିର୍ବାଚନ ସମୟରେ ଆଇନ୍ ଶୃଙ୍ଖଳା ବ୍ୟବସ୍ଥା ସଂପର୍କରେ ସମୀକ୍ଷା କରିଛନ୍ତି ପୁଲିସ ମହାନିର୍ଦ୍ଦେଶକ ବିଜୟ କୁମାର ଶର୍ମା । ଏହି ବୈଠକରେ ପଶ୍ଚିମାଂଚଳ ଆଇଜି, ଡିଆଇଜି ଏବଂ ସୀମାନ୍ତବର୍ତ୍ତୀ ୬ଟି ଜିଲ୍ଲାର ଏସପି ସାମିଲ ହୋଇଛନ୍ତି । ଏହାସହ ସିଆରପିଏଫ କମାଣ୍ଡାଂଟ ମଧ୍ୟ ଏହି ସୁରକ୍ଷା ସମୀକ୍ଷା ବୈଠକରେ ସାମିଲ ହୋଇଛନ୍ତି । ପୁଲିସ ଡିଜି ଏମାନଙ୍କଠାରୁ ସୁରକ୍ଷା ସଂପର୍କରେ ପଚାରି ବୁଝିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଅନ୍ୟପଟେ, ବିଜେପୁର ଉପନିର୍ବାଚନକୁ ଆଉ ମାତ୍ର ଦିନ କେଇଟା ବାକି ରହିଥିବା ବେଳେ ନେତାଙ୍କଠାରୁ ଆରମ୍ଭ କରି ପ୍ରଶାସନ ପର୍ଯ୍ୟନ୍ତ ସମସ୍ତେ ସଜାଗ୍ ରହିଛନ୍ତି । ଦଶହରା ପାଇଁ ପ୍ରଚାର ସାମାନ୍ୟ ଧିମେଇ ଥିଲେ ବି ଦଳୀୟ ବୈଠକ ଓ କର୍ମୀ ସମ୍ମିଳନୀ ଭୋଟରଙ୍କୁ ଉତ୍କଣ୍ଠିତ କରିଛି । ଏନେଇ ବିଜେଡି ସମେତ ବିଜେପି ଏବଂ କଂଗ୍ରେସ ଷ୍ଟାର ପ୍ରଚାରକଙ୍କ ତାଲିକା ଜାରି କରିସାରିଥିବା ବେଳେ ଆସନ୍ତା ୧୭ ତାରିଖରେ ବିଜେଡି ମୁଖିଆ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବିଜେପୁର ଗସ୍ତରେ ଯାଉଛନ୍ତି ।
ସେଠାରେ ନବୀନ ଦୁଇ ଦିନ ରହିବା ସହ ବିଭିନ୍ନ ସ୍ଥାନରେ ପ୍ରଚାର କରିବା କାର୍ଯ୍ୟକ୍ରମ ରହିଛି । ତେବେ ୨୦୧୮ ଉପନିର୍ବାଚନରେ ଏଭଳି ଦୁଇ ଦିନିଆ ଗସ୍ତରେ ଥିବା ନବୀନଙ୍କ ଉପରକୁ ଚପଲମାଡ ଘଟଣାକୁ ଜିଲ୍ଲା ପ୍ରଶାସନ ଓ ପୁଲିସ ପ୍ରଶାସନ ଭୁଲି ପାରି ନଥିବାରୁ ମୁଖ୍ୟମନ୍ତ୍ରୀଙ୍କ ଆଗାମୀ ଗସ୍ତ ଓ ସୁରକ୍ଷା ବ୍ୟବସ୍ଥା ଉଭୟଙ୍କ ପାଇଁ ଏକ ଚ୍ୟାଲେଂଜରେ ପରିଣତ ହୋଇଛି ।