ଯାଜପୁର: ଗତକାଲି କାଲି ବିଶ୍ୱ ବିଖ୍ୟାତ ଘୋଷଯାତ୍ରା ଥିଲା। ଚାରିଆଡେ ମହାପ୍ରଭୁ ଶ୍ରୀଜଗନ୍ନାଥ, ବଳଭଦ୍ର ଓ ମାଆ ସୁଭଦ୍ରାଙ୍କ ରଥଟଣା ଚାଲିଥିଲା। ଯାଜପୁରରେ ଗତକାଲି ରଥଟଣା ଚାଲିଥିବା ଏକ ଅଭାବନୀୟ ଘଟଣାର ଭିଡ଼ିଓ ସାମ୍ନାକୁ ଆସିଛି ।
Sambad is now on WhatsApp
Join and get latest news updates delivered to you via WhatsApp
ଯାଜପୁର ଜିଲ୍ଲା ଜାରକାରେ ରଥଟଣା କାର୍ଯ୍ୟ ଚାଲିଥିବା ବେଳେ ଅସାବଧାନତା ହେତୁ କିଛି ଲୋକ ରଥଚକ ତଳକୁ ଚାଲି ଆସିଥିଲେ । ତେବେ ଧର୍ମଶାଳା ଥାନା ଅଧିକାରୀ ଉମାକାନ୍ତ ନାୟକଙ୍କ ଉପସ୍ଥିତ ବୁଦ୍ଧି ହେତୁ ତୁରନ୍ତ ପଦକ୍ଷେପ ନେିଥିଲେ ଓ ଭକ୍ତଙ୍କ ଜୀବନ ବଞ୍ଚାଇ ପାରିଥିଲେ। ଲୋକଙ୍କୁ ବଞ୍ଚାଇବା ପାଇଁ ଉମାକାନ୍ତ ନିଜକୁ ବିପଦରେ ପକାଇ ରଥଚକ ତଳେ ପଡ଼ିଯାଇଥିଲେ । ଶେଷକୁ ରଥକୁ ଅଟକାଇବା ପାଇଁ ତାଙ୍କ ଚେଷ୍ଟା ସଫଳ ହୋଇଥିଲା । ରଥଚକ ତଳେ ଫସିଥିବା ଲୋକଙ୍କୁ ଉଦ୍ଧାର କରାଯାଇଥିଲା । କିଛି ସମୟ ପରେ ରଥଟଣା ପୂର୍ବବତ୍ ଚାଲୁ ହୋଇଥିଲା। ଏହି ଘଟଣାରେ ସମସ୍ତେ ସୁରକ୍ଷିତ ଅଛନ୍ତି କାହାକୁ କିଛି ଆଘାତ ଲାଗି ନଥିବା ଜଣାପଡ଼ିଛି।
ପୁରୀ ଶରଧାବାଲିରେ ପହଞ୍ଚିଛନ୍ତି ତିନି ଠାକୁର । ଶ୍ରୀଗୁଣ୍ଡିଚା ମନ୍ଦିର ସମ୍ମୁଖରେ ରଥ ଉପରେ ଭକ୍ତଙ୍କୁ ଦର୍ଶନ ଦେଉଛନ୍ତି ଚତୁର୍ଦ୍ଧା ମୂରତି । ଆଜି ସକାଳୁ ସକାଳୁ ବର୍ଷାରେ ଭିଜି ଭିଜି ଶରଧାବାଲିକୁ ମହାପ୍ରଭୁଙ୍କୁ ଟାଣି ଟାଣି ନେଇଛନ୍ତି ଭକ୍ତ । ଗତକାଲି ବଡଠାକୁରଙ୍କ ତାଳଧ୍ୱଜ ଓ ସୁଭଦ୍ରାଙ୍କ ଦେବଦଳନ ପହଁଚିଥିବାବେଳେ ଆଜି ପହଁଚିଛି କାଳିଆ ସାଆନ୍ତଙ୍କ ନନ୍ଧିଘୋଷ ।