କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରୀଙ୍କୁ ଚିଠି ଲେଖିଲେ ଧର୍ମେନ୍ଦ୍ର : ବାରିପଦା ମେଡିକାଲ କଲେଜକୁ ପୁଣି ଏମ୍ସିଆଇ ଟିମ୍ ପଠାଯାଉ
ଭୁବନେଶ୍ୱର : ବାରିପଦାସ୍ଥିତ ପଣ୍ଡିତ ରଘୁନାଥ ମୁର୍ମୁ ମେଡିକାଲ କଲେଜ ଓ ହସ୍ପିଟାଲ୍କୁ ମେଡିକାଲ୍ କାଉନ୍ସିଲ୍ ଅଫ୍ ଇଣ୍ଡିଆ(ଏମ୍ସିଆଇ)ର ଟିମ୍କୁ ଦ୍ୱିତୀୟ ଥର ଅନୁଧ୍ୟାନ ପାଇଁ ପଠାଇବାକୁ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରୀ ଜେ ପି ନଡ୍ଡାଙ୍କୁ ଚିଠି ଲେଖିଛନ୍ତି କେନ୍ଦ୍ର ପେଟ୍ରୋଲିୟମ୍ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ଏ ନେଇ ସଂପୃକ୍ତ ଅଧିକାରୀମାନଙ୍କୁ ନିର୍ଦ୍ଦେଶ ଦେବାକୁ ସେ ଅନୁରୋଧ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଚିଠିରେ ଶ୍ରୀ ପ୍ରଧାନ ଦର୍ଶାଇଛନ୍ତି, ୧୦୦ ଛାତ୍ରଛାତ୍ରୀ ନାମ ଲେଖାଇବାକୁ କ୍ଷମତା ଥିବା ଏହି ମେଡିକାଲ କଲେଜ ସେଣ୍ଟ୍ରାଲି ସ୍ପନ୍ସର୍ଡ ସ୍କିମ୍(ସିଏସ୍ଏସ୍)ରେ ରାଜ୍ୟ ସରକାର ଓ କେନ୍ଦ୍ର ସରକାରଙ୍କ ମିଳିତ ସହଯୋଗରେ ପ୍ରତିଷ୍ଠା କରାଯାଉଛି। ମେଡିକାଲ କଲେଜ ନିର୍ମାଣ କାମ ଶେଷ ହୋଇଛି। ଏମ୍ସିଆଇ ଅନୁଧ୍ୟାନକାରୀ ଦଳ ଦ୍ୱିତୀୟ ଥର ଅନୁଧ୍ୟାନ କରି ତା’ର ଆକଳନ ରିପୋର୍ଟ ପ୍ରଦାନ କଲେ ଏଠାରେ ୨୦୧୮-୧୯ ଶିକ୍ଷା ବର୍ଷରେ ପାଠପଢ଼ା ପ୍ରକ୍ରିୟା ଆରମ୍ଭ ହୋଇପାରିବ।