କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀଙ୍କୁ ଧର୍ମେନ୍ଦ୍ରଙ୍କ ପତ୍ର, ବାରିପଦା ମେଡିକାଲ କଲେଜକୁ ଯଥାଶୀଘ୍ର ଏମସିଆଇ ଟିମ ପଠାଅ
ଭୁବନେଶ୍ୱର : ବାରିପଦାର ପଣ୍ଡିତ ରଘୁନାଥ ମୁର୍ମୁ ମେଡିକାଲ କଲେଜକୁ ପୁଣି ଥରେ ମେଡିକାଲ କାଉନସିଲ ଅଫ ଇଣ୍ଡିଆ (ଏମସିଆଇ) ଟିମ ପଠାଇବାକୁ କେନ୍ଦ୍ର ପେଟ୍ରୋଲିୟମ ଓ ଦକ୍ଷତା ବିକାଶ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ଜେ.ପି. ନଡ୍ଡାଙ୍କୁ ପତ୍ର ଲେଖିଛନ୍ତି । ଏହା ସହିତ ମେଡିକାଲ କଲେଜ ନିର୍ମାଣ କାର୍ଯ୍ୟ ଯଥାଶୀଘ୍ର ଶେଷ କରିବାକୁ ସେ ଅନୁରୋଧ କରିଛନ୍ତି । ପୁୁଣି ଥରେ ଏମସିଆଇ ଅନୁଧ୍ୟାନ କଲେ ୨୦୧୮-୧୯ ଶିକ୍ଷା ବର୍ଷରୁ ଏହି ମେଡିକାଲ କଲେଜରେ ପାଠପଢା ଆରମ୍ଭ ହୋଇପାରିବ ବୋଲି ସେ କହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ଯେ ଗତ ବର୍ଷଠାରୁ ଏହି ମେଡିକାଲ କଲେଜ ଏମସିଆଇ ଠାରୁ ସର୍ତ୍ତମୂଳକ ଅନୁମତି ପତ୍ର ପାଇଥିଲେ ମଧ୍ୟ ପାଠପଢା ଏପର୍ଯ୍ୟନ୍ତ ଆରମ୍ଭ ହୋଇନାହିଁ । ଏହି ଅନୁମତିର ଅବଧିକୁ ବଢାଇବା ପୂର୍ବରୁ ଏମସିଆଇ ଟିମ ଅନୁଧ୍ୟାନ କରିବା କଥା । ଏମସିଆଇର ରିପୋର୍ଟ ଅନୁସାରେ ହିଁ ୨୦୧୮-୧୯ ଶିକ୍ଷା ବର୍ଷରୁ ପାଠ ପଢା ଆରମ୍ଭ ହେବ କି ନା ସେ ସମ୍ପର୍କରେ ନିଷ୍ପତ୍ତି ନିଆଯିବ ।କିନ୍ତୁ ଏପର୍ଯ୍ୟନ୍ତ ଅନୁଧ୍ୟାନ ପାଇଁ ଟିମ ଆସିନାହିଁ । ଅନ୍ୟପକ୍ଷରେ ପାଠପଢା ପାଇଁ ଅନୁମତି ଦେବାରେ ଏମସିଆଇ ବିଳମ୍ବ କରୁଥିବାରୁ ସ୍ଥାନୀୟ ଲୋକମାନେ ତାହାର ବିରୋଧ କରିଛନ୍ତି । ଏଥିପାଇଁ ଝାଡ଼ଖଣ୍ଡ ମୁକ୍ତି ମୋର୍ଚ୍ଚା ପକ୍ଷରୁ ଆସନ୍ତା ୩୦ ତାରିଖରେ ବାରିପଦା ବନ୍ଦ ଡାକରା ଦିଆଯାଇଛି ।