ଫୁଲବାଣୀ : ମା’ଓ ଝିଅଙ୍କୁ ମାରପିଟ୍ ଘଟଣାରେ ଫୁଲବାଣୀର ପୂର୍ବତନ ବିଧାୟକ ଦେବେନ୍ଦ୍ର କହଁର ଆଜି ଜେଲରୁ ମୁକୁଳିଛନ୍ତି। ଦୀପାବଳି ପୂର୍ବରୁ ସେ ଜେଲରୁ ମୁକୁଳିବା ତାଙ୍କ ପାଇଁ ବଡ଼ ଆଶ୍ବସ୍ତି ହୋଇଛି। ଗତକାଲି ୫୦ ହଜାର ଟଙ୍କା ୨ ଜଣ ବ୍ୟକ୍ତିଗତ ଜାମିନଦାରଙ୍କ ମୁଚାଲିକାରେ ଫୁଲବାଣୀ ସ୍ବତନ୍ତ୍ର ଭିଜିଲାନସ ଜଜ୍ ତାଙ୍କୁ ସର୍ତ୍ତମୂଳକ ଜାମିନ ପ୍ରଦାନ କରିଥିଲେ। ସର୍ତ୍ତ ପୂରଣ ପରେ ଆଜି ସେ ଜେଲ୍ରୁ ମୁକୁଳିଛନ୍ତି।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ଯେ , ଗତ ସେପ୍ଟେମ୍ବର ୨ ତାରିଖ ରାତିରେ ଫୁଲବାଣୀ ସଦର ଥାନା ଅଞ୍ଚଳର ଏକ ଗାଁରେ ପଶି ମା’ ଓ ଝିଅଙ୍କୁ ମାରପିଟ ନେଇ ଦେବେନ୍ଦ୍ରଙ୍କ ନାଁରେ ଅଭିଯୋଗ ହୋଇଥିଲା। ସେହି ଅଭିଯୋଗ ଆଧାରରେ ଅକ୍ଟୋବର ୮ ତାରିଖରେ ପୁଲିସ ଦେବେନ୍ଦ୍ରଙ୍କୁ ଆନ୍ଧ୍ରପ୍ରଦେଶରୁ ଗିରଫ କରିଥିଲା।