ସମ୍ବଲପୁର/ବୁର୍ଲା: ସମ୍ବଲପୁର ଜଣେ ଚାଷୀ ଆଜି ବିଷପାନ କରି ଆତ୍ମହତ୍ୟା କରିଛନ୍ତି। ବିଷପାନ କରିଥିବା ଚାଷୀ ହେଉଛନ୍ତି ଚକାନନ୍ଦ ଝାଙ୍କର(୫୨ ବର୍ଷ)।
Sambad is now on WhatsApp
Join and get latest news updates delivered to you via WhatsApp
ସମ୍ବଲପୁର ଜିଲ୍ଲା ଯୁଜୁମୁରା ବ୍ଲକ୍ ଜୟନ୍ତପୁର ପଞ୍ଚାୟତ ଦେଦାର- ନୂଆପଲ୍ଲୀ ଗାଁ ମୃତ ଚକାନନ୍ଦ ଝାଙ୍କରଙ୍କ ପୁଅ ସୁରେଶ ଝାଙ୍କରଙ୍କ ଠାରୁ ମିଳିଥିବା ସୂଚନା ଅନୁଯାୟୀ, ଚକାନନ୍ଦ ଏକର ପିଛା ୧୫ ହଜାର ଟଙ୍କା ଲେଖାଏଁ ଖର୍ଚ୍ଚ କରି ୫ ଏକର ଜମିରେ ଧାନଚାଷ କରିଥିଲେ। ଗତ ଖରିଫ ଋତୁରେ ଚକଡ଼ା ପୋକ ଲାଗି ଫସଲ ନଷ୍ଟ ହୋଇଥିଲା। ପୁଣି ରବି ଫସଲ ନ ହୋଇଯାଇଥିବା ଦେଖିି ଚକାନନ୍ଦ ଧର୍ଯ୍ୟ ହରାଇ ଗତ ୧୨ ତାରିଖ ଦିନ ବିଷ ପାନ କରି ଦେଇଥିଲେ। ଗୁରୁତର ଅବସ୍ଥାରେ ତାଙ୍କୁ ବୁର୍ଲା ମେଡିକାଲରେ ଭର୍ତ୍ତି କରାଯାଇଥିଲା। ଆଜି ସକାଳେ ତାଙ୍କର ଚିକିତ୍ସିତ ଅବସ୍ଥାରେ ମୃତ୍ୟୁ ଘଟିଛି।