ଗଞ୍ଜାମ ଜିଲ୍ଲାର ପୁରୁଷୋତ୍ତମପୁରରେ ଭୟାବହ ଅଗ୍ନିକାଣ୍ଡ, ଜଳିଗଲା ୩୦ ବଖରା ଘର
ବ୍ରହ୍ମପୁର: ଗଞ୍ଜାମ ଜିଲ୍ଲାର ପୁରୁଷୋତ୍ତମପୁର ଥାନା ଅଞ୍ଚଳରେ ଏକ ଭୟାବହ ଅଗ୍ନିକାଣ୍ଡ ଘଟିଥିବା ଜଣାଯାଇଛି। ଏଥିରେ ୩୦ବଖରା ଘର ଜଳିଯାଇଥିବାର ସୂଚନା ମିଳିଛି।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁଯାୟୀ, ଗଞ୍ଜାମ ଜିଲ୍ଲାର ପୁରୁଷୋତ୍ତମପୁର ଥାନା ଅନ୍ତର୍ଗତ ସୁନାଥର ଗାଁରେ ଏହି ଅଗ୍ନିକାଣ୍ଡ ଘଟିଛି । ଆଜି ସକାଳୁ ଗାଁର ନୂଆସାହିରେ କୌଣସି କାରଣରୁ ଏକ ଘରେ ନିଆଁ ଲାଗିଯାଇଥିଲା । ପରେ ଏହା ଗୋଟିଏ ଘରୁ ଆଉ ଗୋଟିଏ ଘରକୁ ଡେଇଁଥିଲା । ଏମିତି ପ୍ରାୟ ୩୦ରୁ ଅଧିକ ଘରେ ନିଆଁ ଲାଗିଯାଇଥିଲା ।
ଅଧିକାଂଶ ଚାଳ ଛପର ଘର ହୋଇଥିବାରୁ ନିଆଁ ଅତି କମ ସମୟ ମଧ୍ୟରେ ବ୍ୟାପିଯାଇଥିଲା । ଲୋକେ ନିଆଁ ଲିଭାଇବାକୁ ବି ସମୟ ପାଇ ନ ଥିଲେ । ଖବର ପାଇ ପୁରୁଷୋତ୍ତମ ଅଗ୍ନିଶମ ବିଭାଗର କର୍ମଚାରୀମାନେ ନିଆଁକୁ ଆୟତ୍ତ କରିବାକୁ ଚେଷ୍ଟା କରିଥିଲେ । କିଛି ଘଣ୍ଟା ମଧ୍ୟରେ ନିଆଁକୁ ଆୟତ୍ତ ମଧ୍ୟ କରାଯାଇଥିଲା । ତେବେ ଅଗ୍ନିକାଣ୍ଡର ପ୍ରକୃତ କାରଣ ଏବେ ବି ସ୍ପଷ୍ଟ ହୋଇନାହିଁ । ନିଆଁରେ ପୋଡ଼ି ଯାଇଥିବା ସମ୍ପତ୍ତିର ଆକଳନ ମଧ୍ୟ ଏଯାବତ କରାଯାଇନାହିଁ ।