ଗଞ୍ଜାମ ଜିଲ୍ଲାରେ ଲକଡାଉନ୍ ନିୟମ ଉଲ୍ଲଂଘନ: ୬୨୦ଜଣଙ୍କ ବିରୋଧରେ୨୦୬ଟି ମାମଲା ରୁଜୁ
ବ୍ରହ୍ମପୁର: ଗଞ୍ଜାମ ଜିଲ୍ଲାରେ ଏଯାବତ୍ ଲକଡାଉନ୍ ନିୟମ ଉଲ୍ଲଂଘନର ମୋଟ୍ ୨୦୬ଟି ମାମଲା ରୁଜୁ ହୋଇଛି। ୬୨୦ଜଣଙ୍କ ବିରୋଧରେ ଏହି ମାମଲା ରୁଜୁ ହୋଇଥିବା ଜଣାଯାଇଛି। ଏଥିମଧ୍ୟରୁ ବ୍ରହ୍ମପୁର ପୁଲିସ୍ ଜିଲ୍ଲାରେ ୨୫୩ଜଣଙ୍କ ବିରୋଧରେ ୩୭ଟି ମାମଲା ରୁଜୁ ହୋଇଛି। ଏଥିମଧ୍ୟରୁ ୯ଜଣ ବିଦେଶ ଫେରନ୍ତାଙ୍କ ବିରୋଧରେ ୬ଟି ସଂଗରୋଧ ମାମଲା ରୁଜୁ ହୋଇଥିବା ଜଣାଯାଇଛି। ଗଞ୍ଜାମ ପୁଲିସ୍ ଜିଲ୍ଲାରେ ୩୬୭ଜଣଙ୍କ ବିରୋଧରେ ୧୬୯ଟି ମାମଲା ରୁଜୁ ହୋଇଛି।ଏଥିମଧ୍ୟରୁ ଗୋଟିଏ ସଂଗରୋଧ ମାମଲା ରୁଜୁ ହୋଇଛି। ଏତେସଂଖ୍ୟକ ମାମଲା ରୁଜୁ ହେବା ପରେ ବି ଗଞ୍ଜାମ ଜିଲ୍ଲାରେ ଲୋକେ ଲକଡାଉନକୁ ମାନିବାକୁ ପ୍ରସ୍ତୁତ ନୁହନ୍ତି।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ଗତ୨୮ ତାରିଖ ସକାଳରୁ ୨୯ ତାରିଖ ସକାଳ ସୁଦ୍ଧା କରୋନା ଜନିତ ମୋଟ୍ ୨୬୭ଟି ମାମଲା ରୁଜୁ ହୋଇଛି। ଏଥିମଧ୍ୟରୁ ୨୩୮ଟି ମାମଲା ଲକଡାଉନ୍ ନିୟମ ଉଲ୍ଲଂଘନ ସକାଶେ ହୋଇଥିବା ବେଳେ ୨୧ଟି ମାମଲା ସଂଗରୋଧ ମାମଲା ରୁଜୁ ହୋଇଛି। ଏହାଛଡ଼ା ୫ଟି ଅନ୍ୟ ମାମଲା ରୁଜୁ ହୋଇଥିବା ପୁଲିସ୍ ମହାନିର୍ଦେଶକ ସୂଚନା ଦେଇଥିଲେ।
ଏଥିମଧ୍ୟରୁ ସର୍ବାଧିକ ମାମଲା ଗଞ୍ଜାମ ଜିଲ୍ଲାର ବୋଲି କୁହାଯାଉଛି। କାରଣ ରାଜ୍ୟର ସର୍ବାଧିକ ୩୦୮୦ଜଣ ବିଦେଶୀ ଫେରନ୍ତା ଓ୧୬ହଜାର ଦାଦନ ଗଞ୍ଜାମ ଜିଲ୍ଲାକୁ ଏହି ଲକଡାଉନ୍ ସମୟରେ ଫେରିଛନ୍ତି।