ପୁଲିସ ସ୍କାନର୍ରେ ମାନବ ଚାଲାଣକାରୀ : ଯୁବତୀଙ୍କ ପାସ୍ପୋର୍ଟ ଯାଞ୍ଚ କଡ଼ାକଡ଼ି
ପ୍ରମାଣ ମିଳିଲେ ଜାଲ୍ ସ˚ସ୍ଥାକୁ ଜେଲ୍, ଦଲାଲାଙ୍କ ଡାଟାବେସ୍ ପ୍ରସ୍ତୁତ କରିବ ଥାନା, ଜିଲ୍ଲା ପୁଲିସକୁ କ୍ରାଇମ୍ବ୍ରାଞ୍ଚ ଏଡିଜିଙ୍କ ନିର୍ଦ୍ଦେଶ
କଟକ : ଏଣିକି ଯୁବତୀଙ୍କ ବିଦେଶ ଗସ୍ତ ପାଇଁ ପାସ୍ପୋର୍ଟ ଯାଞ୍ଚ କଡ଼ାକଡ଼ି ହେବ। ବିଦେଶ ଗସ୍ତର କାରଣ ଯାଞ୍ଚ କରିବ ସ୍ଥାନୀୟ ପୁଲିସ। ଗସ୍ତ ପଛରେ କୌଣସି ବେଆଇନ ଚାଲାଣକାରୀ ସ˚ସ୍ଥାର ସମ୍ପୃକ୍ତି ଥିଲେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ଯୁବତୀଙ୍କୁ ନିଯୁକ୍ତି, ବିବାହର ମିଥ୍ୟା ପ୍ରଲୋଭନ ଦେଖାଇ ବେଶ୍ୟା ବୃତ୍ତିରେ ନିୟୋଜିତ କରିବାକୁ ବିଦେଶକୁ ଚାଲାଣ କରାଯାଉଥିବା କ୍ରାଇମ୍ବ୍ରାଞ୍ଚ ଜାଣିବାକୁ ପାଇଛି। ଏଥିପାଇଁ ଜିଲ୍ଲା ଏସ୍ପି ଏବ˚ ଡିସିପିଙ୍କୁ ଚାଲାଣକାରୀ ସ˚ସ୍ଥା ବିରୋଧରେ ଆଭିମୁଖ୍ୟ କଠୋର କରିବାକୁ ଆଜି ନିର୍ଦ୍ଦେଶ ଦେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ଝାଡ଼ଖଣ୍ତରୁ ପ୍ରିତନିଧିତ୍ବ କରୁଥିବା ପାର୍ଲିଆମେଣ୍ଟର ସଦସ୍ୟ ଲକ୍ଷ୍ମଣ ଗିଲୁଵା ନିକଟରେ ବେଆଇନ ଯୁବତୀ ଚାଲାଣ ଭଳି ଏକ ସମ୍ବେଦନଶୀଳ ପ୍ରସ˚ଗ ଉଠାଇଥିଲେ। ଝାଡ଼ଖଣ୍ତରେ ବିଭିନ୍ନ ବେଆଇନ୍ ନିଯୁକ୍ତି ପ୍ରଦାନକାରୀ ସ˚ସ୍ଥା ପକ୍ଷରୁ ନିଯୁକ୍ତି ଲୋଭ ଦେଖାଇ ରାଜ୍ୟ ବାହାରକୁ ନିରୀହ ଯୁବତୀଙ୍କୁ ଚାଲାଣ କରାଯାଉଥିବା ଅଭିଯୋଗ କରିଥିଲେ। କେନ୍ଦ୍ର ଗୃହ ମନ୍ତ୍ରଣାଳୟ ଏହି ପ୍ରସ˚ଗକୁ ଗୁରୁତ୍ବର ସହିତ ଗ୍ରହଣ କରିଥିଲା। ଏ ସ˚କ୍ରାନ୍ତରେ ପ୍ରତ୍ୟେକ ରାଜ୍ୟ ପୁଲିସ ବିଭାଗକୁ ଏ ପ୍ରକାର ବେଆଇନ କାର୍ଯ୍ୟରେ ଲିପ୍ତ ସ˚ସ୍ଥା ଉପରେ ତୀକ୍ଷ୍ଣ ନଜର ରଖିବା ପାଇଁ ନିର୍ଦ୍ଦେଶ ଦିଆଯାଇଥିଲା। ଓଡ଼ିଶାରେ ମଧ୍ୟ ଯୁବତୀ ଚାଲାଣ ସ୍ଥିତି ସ˚ଗୀନ ଥିବା କୁହାଯାଉଛି। ପୁଲିସ ଡିଜି ଡାକ୍ତର ଆର୍.ପି. ଶର୍ମାଙ୍କ ପକ୍ଷରୁ ସ˚ସ୍ଥା ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ ପାଇଁ ଜାରି କରାଯାଇଥିବା ୧୦ଟି ନିର୍ଦ୍ଦେଶନାମାରେ ଦର୍ଶାଯାଇଛି ଯେ, ଯୁବତୀଙ୍କୁ ନିଯୁକ୍ତି କିମ୍ବା ଚାକିରି ଲୋଭ ଦେଖାଇ ରାଜ୍ୟ ବାହାରକୁ ଚାଲାଣ କରୁଥିବା ସ˚ସ୍ଥାଗୁଡ଼ିକ ଚିହ୍ନଟ କରାଯିବ ସହ ସେମାନଙ୍କ ଉପରେ କଡ଼ା ନଜର ରଖାଯିବ। ଥାନା ଵାରୀ ନିଜ ଅଞ୍ଚଳରେ ଥିବା ବେଆଇନ ଚାଲାଣକାରୀଙ୍କ ଏକ ଡାଟା ବେସ୍ ପ୍ରସ୍ତୁତ କରାଯିବ। ମହିଳା ଓ ଶିଶୁ କଲ୍ୟାଣ ବିଭାଗ, ଶ୍ରମ ବିଭାଗ, ପର୍ଯ୍ୟଟନ ବିଭାଗ, ରେଳବାଇ ଏବ˚ ସ୍ବେଚ୍ଛାସେବୀ ସ˚ଗଠନ ପକ୍ଷରୁ ମିଳିତ ଭାବେ ଚାଲାଣ ରୋକିବାକୁ କାମ କରିବାକୁ ନିର୍ଦ୍ଦେଶ ଦିଆଯାଇଛି। ପ୍ରତ୍ୟେକ ବିଭାଗ ନିଜ ନିଜ ମଧ୍ୟରେ ଉପଯୁକ୍ତ ସମନ୍ବୟ ରକ୍ଷା କରି ଚାଲାଣକାରୀଙ୍କ ସମ୍ପର୍କିତ ତଥ୍ୟ ନିଜ ମଧ୍ୟରେ ଆଦାନ ପ୍ରଦାନ କରିବାକୁ କୁହାଯାଇଛି। ଏହି ସ˚ଗଠନଗୁଡ଼ିକ ଗ୍ରାମାଞ୍ଚଳରେ ସଚେତନା ସୃଷ୍ଟି କରିବା ପାଇଁ ପଦକ୍ଷେପ ଗ୍ରହଣ କରିବାକୁ ଜରୁରୀ। ରେଳ ଷ୍ଟେସନ୍, ବସ୍ ଷ୍ଟାଣ୍ତ, ହୋଟେଲ୍ ଏବ˚ ଗେଷ୍ଟ ହାଉସ୍ଗୁଡ଼ିକ ଉପରେ କଡ଼ା ନଜର ରଖିବା ସହିତ ଚାଲାଣକାରୀଙ୍କୁ ଚିହ୍ନଟ ଓ ପୀଡ଼ିତାଙ୍କୁ ଉଦ୍ଧାର କ୍ଷେତ୍ରରେ ପଦକ୍ଷେପ ଗ୍ରହଣ କରାଯିବ। ମାନବ ଚାଲାଣ ବିରୋଧରେ କାର୍ଯ୍ୟ କରୁଥିବା ସ୍ବେଚ୍ଛାସେବୀ ଅନୁଷ୍ଠାନ ପକ୍ଷରୁ ଚାଲାଣକାରୀଙ୍କ ସମ୍ପର୍କରେ ଗୁଇନ୍ଦା ତଥ୍ୟ ସ˚ଗ୍ରହ କରାଯାଇ ସ୍ଥାନୀୟ ଥାନା ପୁଲିସକୁ ଯୋଗାଇବେ। ବିନା ଲାଇସେନ୍ସରେ ଚାଲୁଥିବା ସ˚ସ୍ଥା ବିରୋଧରେ ଖବର ମିଳିଲେ, ତୁରନ୍ତ ଆଇନଗତ କାର୍ଯ୍ୟନୁଷ୍ଠାନ ଗ୍ରହଣ ପାଇଁ କ୍ରାଇମ୍ବ୍ରାଞ୍ଚ ଏଡିଜି ସନ୍ତୋଷ ଉପାଧ୍ୟାୟ ସୂଚନା ଦେଇଛନ୍ତି।