ରାଜ୍ୟ ସବୁଜ ପତ୍ରିକାଧାରୀ ଉନ୍ନୟନ ପରିଷଦରେ ମିଶିଲା ଓଡ଼ିଶା ସବୁଜ ପତ୍ରିକାଧାରୀ ମହିଳା ମହାସ˚ଘ
ଭୁବନେଶ୍ବର : ରାଜ୍ୟ ସବୁଜ ପ୍ରତିକାଧାରୀ ଉନ୍ନୟନ ପରିଷଦରେ ଓଡ଼ିଶା ସବୁଜ ପତ୍ରିକାଧାରୀ ମହିଳା ମହାସ˚ଘ ବିଲୀନ ହୋଇଛି। ସୋମବାର ଲୋୟର ପିଏମ୍ଜିଠାରେ ମହାସ˚ଘର ରାଜ୍ୟ ସଭାନେତ୍ରୀ ବାସନ୍ତୀ କାଠ, ସମ୍ପାଦିକା ରଶ୍ମିତା ପ୍ରଧାନ ଓ ଅନ୍ୟ ସମସ୍ତ ଜିଲ୍ଲାର ଜିଲ୍ଲା, ବ୍ଲକ, ପଞ୍ଚାୟତର କର୍ମକର୍ତ୍ତାମାନେ ଏକ ବିଶାଳ ଶୋଭାଯାତ୍ରାରେ ଆସି ଉନ୍ନୟନ ପରିଷଦରେ ସାମିଲ ହୋଇଛନ୍ତି। ପରିଷଦର କାର୍ଯ୍ୟଧାରା ଓ ସା˚ଗଠନିକ ଦକ୍ଷତାକୁ ସମ୍ମାନ ଦେଇ ଏଭଳି ପଦକ୍ଷେପ ନେଇଛୁ। ଲୋକଙ୍କ ହିତ ଓ ଆବଶ୍ୟକତା ପୂରଣ କରିବାକୁ ଏଭଳି ନିଷ୍ପତ୍ତି ନେବାକୁ ବାଧ୍ୟ ହେଲୁ ବୋଲି ପରିଷଦ ଓ ମହାସଂଘ ପକ୍ଷରୁ କୁହାଯାଇଛି।
Sambad is now on WhatsApp
Join and get latest news updates delivered to you via WhatsApp
ଓଡ଼ିଶାର ପ୍ରାୟ ସାଢ଼େ ସାତଲକ୍ଷ ସବୁଜପତ୍ରିକାଧାରୀ ପରିବାରକଙ୍କୁ ମାସିକ ୭୫୦ ଟଙ୍କା ପ୍ରୋତ୍ସାହନ ଭତ୍ତା, ସହରାଞ୍ଚଳ ସବୁଜ ପତ୍ରିକାଧାରୀ ଭୂମିହୀନ ପରିବାରଙ୍କୁ ୪୦ ଡିସିମିଲି ଓ ଗ୍ରାମାଞ୍ଚଳ ସବୁଜପତ୍ରିକାଧାରୀ ଭୂମିହୀନ ପରିବାରକୁ ୮୦ ଡିସିମିଲ୍ ଘରଡିହ ପଟ୍ଟା ପ୍ରଦାନ ସହ ସବୁଜପତ୍ରିକାରେ ଥିବା ଅନ୍ୟାନ୍ୟ ସୁବିଧା ସୁଯୋଗ ତୁରନ୍ତ ଯୋଗାଇଦେବା ଦାବି କରିକରିଛି ପରିଷଦ। ଏହି ଅବସରରେ ପରିଷଦର ସାଧାରଣ ସମ୍ପାଦକ ଦେବରାଜ ନାୟକ ଓ ସ˚ଗଠନ ସମ୍ପାଦକ ଅରୁଣ କୁମାର ସ୍ବାଇଁ ସାମିଲ୍ ହୋଇଥିବା ମହାସ˚ଘର ସଭ୍ୟ ଓ କର୍ମକର୍ତ୍ତାଙ୍କୁ ଧନ୍ୟବାଦ ଜଣାଇଥିଲେ। ଦାବି ହାସଲ ନ ହେବା ପର୍ଯ୍ୟନ୍ତ ଆନ୍ଦୋଳନକୁ ବ୍ୟାପକ କରାଯିବ ବୋଲି ଅନୁଷ୍ଠାନ ପକ୍ଷରୁ କୁହାଯାଇଛି।