ପ୍ରଧାନମନ୍ତ୍ରୀଙ୍କ ହେଲିକପ୍ଟର ଯାଞ୍ଚ ଉଦ୍ୟମ କରି ନିଲମ୍ବିତ ହେଲେ ସମ୍ବଲପୁରର ପର୍ଯ୍ୟବେକ୍ଷକ ଦାୟିତ୍ୱରେ ଥିବା କର୍ଣ୍ଣାଟକ କ୍ୟାଡର ଆଇଏଏସ ଅଧିକାରୀ ମହମ୍ମଦ ମହସିନ

2

ସମ୍ବଲପୁର : ପ୍ରଧାନମନ୍ତ୍ରୀଙ୍କ ହେଲିକପ୍ଟର ଯାଞ୍ଚ ଉଦ୍ୟମ କରି ନିଲମ୍ବନ ହେଲେ ଆଇଏଏସ ଅଫିସର । ସମ୍ବଲପୁରର ପର୍ଯ୍ୟବେକ୍ଷକ ଦାୟିତ୍ୱରେ ଥିବା କର୍ଣ୍ଣାଟକ କ୍ୟାଡର ଆଇଏଏସ ଅଧିକାରୀ ମହମ୍ମଦ ମହସିନଙ୍କୁ ନିଲମ୍ବନ କରାଯାଇଛି । ଏସପିଜି ସୁରକ୍ଷା ବଳୟରେ ଥିବା ପ୍ରଧାନମନ୍ତ୍ରୀଙ୍କ ପାଇଁ ଯେଉଁ ବ୍ୟବସ୍ଥା ରହିଛି, ତାକୁ ଉଲଂଘନ କରାଯାଇଥିବା ଅଭିଯୋଗରେ ମହମ୍ମଦ ମହସିନଙ୍କୁ ନିଲମ୍ବନ କରାଯାଇଛି । ଗତକାଲି ମୋଦୀଙ୍କ ସମ୍ବଲପୁର ଗସ୍ତ ବେଳେ ନିର୍ବାଚନ କମିସନଙ୍କ ଯେଉଁ ଗାଇଡଲାଇନ୍ ରହିଛି, ତାକୁ ପାଳନ କରା ଯାଇନଥିବା ଅଭିଯୋଗ ହୋଇଛି । ଏ ନେଇ ରାଜ୍ୟର ମୁଖ୍ୟ ନିର୍ବାଚନ ଅଧିକାରୀ ରିପୋର୍ଟ କରିଥିଲେ । ଏବଂ ସମ୍ବଲପୁର ଜିଲ୍ଲା ନିର୍ବାଚନ ଅଧିକାରୀ, ସମ୍ବଲପୁର ଡିଆଇଜି ମଧ୍ୟ ଏ ନେଇ ରିପୋର୍ଟ କରିଥିଲେ ।

ଏହା ପରେ ନିର୍ବାଚନ କମିସନଙ୍କ ନିର୍ଦ୍ଦେଶ କ୍ରମେ ଘଟଣାର ଯାଂଚ ପାଇଁ ସମ୍ବଲପୁରରେ ପହଁଚିଥିଲେ ନିର୍ବାଚନ କମିସନଙ୍କ ସ୍ୱତନ୍ତ୍ର ଅଧିକାରୀ । ତଦନ୍ତ ପରେ ଜେନେରାଲ ଅବଜରଭର ମହମ୍ମଦ ମହସିନ୍‌ଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିବା କୁହାଯାଉଛି । ମହମ୍ମଦ ମହସିନ ୧୯୯୬ ବ୍ୟାଚ୍ କର୍ଣ୍ଣାଟକ କ୍ୟାଡର ଆଇଏଏସ ଅଫିସର ।

ଗତକାଲି ସମ୍ବଲପୁରର ରେମେଡ୍ ଛକ ନିକଟରେ ପ୍ରାୟ ଦିନ ୧୧ଟାରେ ଅବତରଣ କରିଥିଲା ପ୍ରଧାନମନ୍ତ୍ରୀଙ୍କ ହେଲିକପ୍ଟର । ଏହା ପରେ ସିଧା ସମାବେଶରେ ଯୋଗ ଦେଇଥିଲେ ମୋଦୀ । ଚର୍ଚ୍ଚା ହେଉଛି, ସଭା ସାରି ଫେରିବା ପରେ ହେଲିକପ୍ଟର ଯାଂଚ ପାଇଁ ପହଁଚିଥିଲେ ଫ୍ଲାଇଂ ସ୍କ୍ୱାର୍ଡର ଟିମ୍ । ହେଲିକପ୍ଟର ଯାଂଚ ଯୋଗୁଁ କ୍ଷୁବ୍ଧ ହୋଇଥିଲା ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ । ଆଉ ଏଥିପାଇଁ ନିର୍ବାଚନ କମିସନ ତନାଘନା କରିବା ସହ ଘଟଣାର ଯାଂଚ ପାଇଁ ନିର୍ଦ୍ଦେଶ ଦେଇଥିଲେ । ପ୍ରାଥମିକ ତଦନ୍ତ ପରେ ନିର୍ବାଚନ କମିସନଙ୍କ ଗାଇଡଲାଇନ୍ ଉଲଂଘନ ହୋଇଥିବା ଜଣାପଡିଥିଲା । ଜେନେରାଲ ଅବଜରଭର ମହମ୍ମଦ ମହସିନ୍ଙ୍କ ବିରୋଧରେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ନେଇ ତାଙ୍କୁ ନିଲମ୍ବନ କରିଛନ୍ତି ନିର୍ବାଚନ କମିସନ୍ ।

ସମ୍ବନ୍ଧିତ ଖବର

Leave A Reply

Your email address will not be published.

2 Comments
  1. MuChoraSambad says

    କିଛି ନୀତି ନିୟମ ଜାଣିଛନ୍ତି ନା ପଇସା ପାଇଁ ବିକି ଦେଇଛ ବା ?

  2. sweta says

    In Bhubaneswar the BSNL prepaid customers accounts are suctioning by BSNL Employees in the form of Value Added services subscriptions with out the Consent of the Prepaid Customers who are unmarried bachelors living in Rental Houses and also internet connectivity of BSNL prepaid customers are also not working.Mostly it is happening in Bhubaneswar.