ଚନ୍ଦ୍ରଯାନ-୨ ଅଭିଯାନ ୯୮ ପ୍ରତିଶତ ସଫଳ ହୋଇଛି: ଇସ୍ରୋର ଅଧ୍ୟକ୍ଷ ଡକ୍ଟର କେ ଶିବନ୍
ଭୁବନେଶ୍ୱର: ଓଡ଼ିଶାର ରାଜଧାନୀ ଭୁବନେଶ୍ୱରରେ ପହଞ୍ଚିଲେ ଭାରତୀୟ ମହାକାଶ ଗବେଷଣା ସଂସ୍ଥା ଇସ୍ରୋର ଅଧ୍ୟକ୍ଷ ଡକ୍ଟର କେ ଶିବନ । ଭୁବନେଶ୍ୱର ବିମାନବନ୍ଦରରେ ପହଞ୍ଚିବା ପରେ ଚନ୍ଦ୍ରାୟନ-୨ ବିଷୟରେ ପ୍ରତିକ୍ରିୟା ରଖିଛନ୍ତି କେ . ଶିବନ୍ । ଲାଣ୍ଡର ବିକ୍ରମ ସହ ଏଯାଏଁ ଯୋଗାଯୋଗ ସମ୍ଭବ ହୋଇପାରିନାହିଁ । ବିକ୍ରମ ସହ ତ୍ରୁଟି କେଉଁଠି ରହିଗଲା, ତାହାର ଅନୁସନ୍ଧାନ କରିବା ସହ ଚନ୍ଦ୍ରଯାନ-୨ ଅଭିଯାନ ୯୮ ପ୍ରତିଶତ ସଫଳ ହୋଇଛି ବୋଲି ସେ କହିଛନ୍ତି । ସେ ଆହୁରି ମଧ୍ୟ କହିଛନ୍ତି .ଯେ ଲାଣ୍ଡର ବିକ୍ରମ ସହ ଯୋଗଯୋଗ କରିବା ପାଇଁ ସମସ୍ତ ଚେଷ୍ଟା ଇସ୍ରୋ ପକ୍ଷରୁ ଜାରି ରହିଛି । ଚନ୍ଦ୍ରଯାନ ପରେ ଏବେ ଗଗନଯାନ ଉପରେ ଧ୍ୟାନ କେନ୍ଦ୍ରିତ କରାଯାଉଥିବା ସେ କହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଭୁବନେଶ୍ୱର ଆଇଆଇଟିର ଅଷ୍ଟମ ସମାବର୍ତ୍ତନନ ଉତ୍ସବରେ ମୁଖ୍ୟ ଅତିଥି ଭାବେ ଯୋଗଦେବେ କେ ଶିବନ୍ । ଏହି ଅବସରରେ ଆଇଆଇଟିରେ ଦୀକ୍ଷାନ୍ତ ଭାଷଣ ଦେବେ । ଚନ୍ଦ୍ରଯାନ-୨ ଅଭିଯାନର ମୁଖ୍ୟ ଥିବା କେ ଶିବନଙ୍କୁ ପାଖରେ ପାଇବା ଏବଂ ତାଙ୍କଠାରୁ କିଛି ଶୁଣିବା ପାଇଁ ଆଇଆଇଟିର ଛାତ୍ରଛାତ୍ରୀଙ୍କ ମଧ୍ୟରେ ବେଶ୍ ଉତ୍ସାହ ଦେଖିବାକୁ ମିଳିଛି । ଜଟଣୀ ଅରୁଗୁଳ ସ୍ଥିତ କ୍ୟାମ୍ପସରେ ପୂର୍ବାହ୍ନ ୧୧ଟାରେ ଏହି ଉତ୍ସବରେ ୩ ଜଣଙ୍କୁ ସ୍ୱର୍ଣ୍ଣ ପଦକଓ ୧୫ ଜଣଙ୍କୁ ରୌପ୍ୟ ପଦକ ପ୍ରଦାନ କରାଯିବ ।