ଭୁବନେଶ୍ୱର : ଝାରସୁଗୁଡାରେ ହୋଇଛି ରାଜ୍ୟର ୨ୟ ବିମାନବନ୍ଦର । ଝାରସୁଗୁଡା ଏୟାରପୋର୍ଟକୁ ଆଜି ବେସାମରିକ ବିମାନ ଚଳାଚଳ ମହାନିର୍ଦ୍ଦେଶାଳୟ ( ଡିଜିସିଏ) ପକ୍ଷରୁ ଲାଇସେନ୍ସ ଦିଆଯାଇଛି । ଏହା ଫଳରେ ଏହି ଏୟାରପୋର୍ଟରୁ ସିଡ୍ୟୁଲଡ ଅପରେସନ ଆରମ୍ଭ ହୋଇପାରିବ । ଏ ନେଇ କେନ୍ଦ୍ର ବେସାମରିକ ବିମାନ ଚଳାଚଳ ମନ୍ତ୍ରାଳୟର ଯୁଗ୍ମ ସଚିବ ଉଷା ପାଢୀ ଟ୍ଵିଟ୍ କରି ସୂଚନା ଦେଇଛନ୍ତି । ଆଗାମୀ ଦିନରେ ରାଉରକେଲା, ଜୟପୁର ଓ ଉତକେଲା(କଳାହାଣ୍ଡି) ଠାରେ ମଧ୍ୟ ଏୟାରଷ୍ଟ୍ରିପ ସ୍ଥାପନ କରି ଉଡାନ ସ୍କିମରେ ସାମିଲ କରାଯିବ ବୋଲି ସେ କହିଛନ୍ତି । ପୂର୍ବରୁ ଗତ ଫେବ୍ରୁଆରୀ ମାସରେ ଝାରସୁଗୁଡାରୁ ଉଡାଣ ଆରମ୍ଭ ପାଇଁ ନିଷ୍ପତ୍ତି ହୋଇଥିଲେ ମଧ୍ୟ ସେଥିରେ ଦୁଇମାସ ବିଳମ୍ବ ହୋଇଛି । ରାଜ୍ୟର ଏସବୁ ସହରକୁ କେନ୍ଦ୍ର ସରକାରଙ୍କ ଉଡାଣ ଯୋଜନାରେ ସାମିଲ କରାଯାଇଛି ।
Sambad is now on WhatsApp
Join and get latest news updates delivered to you via WhatsApp
2nd airport of Odisha gets license today. Happy to inform the licensing of Jharsuguda airport today by DGCA. It will pave way for scheduled operations; soon to be followed by Rourkela, Jeypore & Utkela to place Odisha on fast track in civil aviation network. pic.twitter.com/mrqI1yLRTC
— Usha Padhee (@ushapadhee1996) May 4, 2018
ଗତ ଏପ୍ରିଲ ମାସରେ ରାଜ୍ୟର ସମସ୍ତ ଛୋଟ ବିମାନବନ୍ଦରଗୁଡ଼ିକର ପରିଚାଳନା ଏବଂ ରକ୍ଷଣାବେକ୍ଷଣ ଦାୟିତ୍ୱ ଭାରତୀୟ ବିମାନବନ୍ଦର କର୍ତ୍ତୃପକ୍ଷଙ୍କୁ ଦିଆଯାଉ ବୋଲି ରାଜ୍ୟ ସରକାର ବେସାମରିକ ବିମାନ ଚଳାଚଳ ମନ୍ତ୍ରାଳୟକୁ ଚିଠି ଲେଖିଥିଲେ। ଉଡ଼ାଣ ଯୋଜନାରେ କେନ୍ଦ୍ର ସରକାର ୮୦% ସବ୍ସିଡ୍ ଦେବାକୁ ଥିବାବେଳେ ବିମାନବନ୍ଦରର ପରିଚାଳନା ଓ ରକ୍ଷଣାବେକ୍ଷଣ ଦାୟିତ୍ୱ ରାଜ୍ୟ ସରକାରଙ୍କର ଅଛି। ହେଲେ ଏଥିପାଇଁ ରାଜ୍ୟ ସରକାରଙ୍କ ନିକଟରେ ଦକ୍ଷ ମାନବ ସମ୍ବଳ ଏବଂ ପେସାଦାର କର୍ମଚାରୀ ନଥିବାରୁ ମନ୍ତ୍ରାଳୟ ଏହି ଦାୟିତ୍ୱ ଏଏଆଇକୁ ଦେଉ ବୋଲି ରାଜ୍ୟ ସରକାରଙ୍କ ବିମାନ ବିଭାଗ ପକ୍ଷରୁ ଅନୁରୋଧ କରାଯାଇଥିଲା ।