ବାରିପଦା : ଶାରୀଶୁଆ ସେକ୍ସନ୍ ରାଇପାଳ ଫରେଷ୍ଟ୍ ବିଟ୍ ଅନ୍ତର୍ଗତ ଜାମଚୁଆ ଜଙ୍ଗଲରେ ରବିବାର ଦିନ ଏକ ହାତୀ ଛୁଆ ମରିପଡ଼ିଥିବା ସ୍ଥାନୀୟ ଗ୍ରାମବାସୀ ରାଇପାଳ ଫରେଷ୍ଟ ଗାର୍ଡ ଅନୀତା ସି˚’ଙ୍କୁ ସୂଚନା ଦେଇଥିଲେ। ମାତ୍ର ଫରେଷ୍ଟ ଗାର୍ଡ ଉକ୍ତ ହାତୀ ଛୁଆର ଶବ ବ୍ୟବଚ୍ଛେଦ ନକରି ସ୍ଥାନୀୟ ଗ୍ରାମବାସୀଙ୍କ ସହାୟତାରେ ପୋତି ଦେଇଥିଲେ। ଏ ନେଇ ସୂଚନା ପାଇବା ପରେ ଡିଏଫ୍ଓ ସ୍ବୟମ ମଲ୍ଲିକଙ୍କ ନିର୍ଦେଶକ୍ରମେ ଆଜି ମୃତ ହାତୀ ଛୁଆର ବ୍ୟବଚ୍ଛେଦ କରାଯାଇଥିଲା। ରିପୋର୍ଟ ଅନୁଯାୟୀ ଏହି ଅଣ୍ଡିରା ହାତୀ ଛୁଆର ବୟସ ୬ ମାସ ହେବ ବୋଲି ଜଣାପଡ଼ିଛି। ଦଳ ଭିତରେ ଗଣ୍ତଗୋଳ କାରଣରୁ ଦନ୍ତାହାତୀର ଆକ୍ରମଣରେ ଛୁଆଟି ମୃତ୍ୟୁବରଣ କରିଥିବା ଡିଏଫ୍ଓ ଶ୍ରୀ ମଲ୍ଲିକ ସୂଚନା ଦେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ତେବେ ଫରେଷ୍ଟ ଗାର୍ଡ ଶ୍ରୀମତୀ ସି˚ ବିନା ପୋଷ୍ଟମର୍ଟମରେ ମୃତ ହାତୀ ଛୁଆଟିକୁ ପୋତି ଦେଇଥିବାରୁ ତାଙ୍କ ବିରୋଧରେ ବିଭାଗୀୟ ତଦନ୍ତ ନିର୍ଦ୍ଦେଶ ଦେଇଛନ୍ତି ଡିଏଫ୍ଓ।