“ଗଣମାଧ୍ୟମର ଅନେକ କ୍ଷମତା ରହିଛି, ଏହାର  ଅପବ୍ୟବହାର ଏକ ଅପରାଧ”, ଓଟିଭି ପ୍ରସଙ୍ଗରେ ପ୍ରତିକ୍ରିୟା ରଖିଲେ ନବୀନ

1 902

ଭୁବନେଶ୍ୱର : ଓଟିଭି ପ୍ରସଙ୍ଗରେ ନିଜ ପ୍ରତିକ୍ରିୟା ରଖିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଗାନ୍ଧିଜୀଙ୍କ ଉକ୍ତିକୁ ଉଦ୍ଧାର କରି ସେ କହିଛନ୍ତି ଯେ ଗଣମାଧ୍ୟମର କ୍ଷମତାର ଅପବ୍ୟବହାର ଏକ ଅପରାଧ ।

“ବାପୁଙ୍କ ଉକ୍ତିର ଏବେ ମଧ୍ୟ ପ୍ରାସଙ୍ଗିକତା ରହିଛି । ଗଣମାଧ୍ୟମ ଗଣତନ୍ତ୍ରର ଚତୁର୍ଥ ସ୍ତମ୍ଭ । ଏହାର ଅନେକ କ୍ଷମତା ରହିଛି, କିନ୍ତୁ ଏହି କ୍ଷମତାର ଅପବ୍ୟବହାର ଏକ ଅପରାଧ” ମୁଖ୍ୟମନ୍ତ୍ରୀ ଟ୍ଵିଟ୍‌ କରିଛନ୍ତି । ଏହା ଟ୍ଵିଟ୍‌ କରିବା ସହ ଓଟିଭି ବିରୋଧରେ ବିଜେଡ଼ି ତରଫରୁ ନିର୍ବାଚନ ଅଧିକାରୀଙ୍କ ନିକଟରେ କରାଯାଇଥିବା ଅଭିଯୋଗପତ୍ରର ଏକ ନକଲ ସେ ଅପଲୋଡ କରିଛନ୍ତି ।

 

Panda Mobile only

ଏହି ଅଭିଯୋଗ ପତ୍ରରେ ବିଜେଡ଼ି ପକ୍ଷରୁ କୁହାଯାଇଛି ଯେ ଦଳରୁ ନିଳମ୍ବିତ ବୈଜୟନ୍ତ ପଣ୍ଡା ଓ ତାଙ୍କ ପତ୍ନୀ ଜାଗି ମଙ୍ଗତ ପଣ୍ଡାଙ୍କ ମାଲିକାନାରେ ଥିବା ଓଟିଭି ବିଜେଡ଼ି ଓ ରାଜ୍ୟ ସରକାରଙ୍କ ବିରୋଧରେ ବିଗତ କିଛି ଦିନ ଧରି ମିଥ୍ୟା ଓ ଭିତ୍ତିହୀନ ଖବର ପ୍ରସାରଣ କରିଚାଲିଛି । ବିଜେପୁର ଉପ-ନିର୍ବାଚନ ସଂପର୍କରେ ଏହି ଚ୍ୟାନେଲରେ ଏକପାଖିଆ, ପକ୍ଷପାତମୂଳକ ଓ ବିଜେପି ପ୍ରାର୍ଥୀ ଅଶୋକ ପାଣିଗ୍ରାହୀଙ୍କୁ ସୁହାଇଲା ଭଳି ଖବର, ଆଲୋଚନା, ଜନମଞ୍ଚ ଆଦି ପ୍ରସାରଣ କରୁଛି । ଅତ୍ୟନ୍ତ ପକ୍ଷତପାଭାବେ ଏହା ଜଣେ ପ୍ରାର୍ଥିଙ୍କୁ ସମର୍ଥନ କରୁଥିବାରୁ ଏହା ପେଡ୍‌ ନ୍ୟୁଜ୍‌ର ପର୍ଯ୍ୟାୟଭୁକ୍ତ ହେଉଛି ।

ଭାରତୀୟ ନିର୍ବାଚନ ଆୟୋଗ ପ୍ରତି ପ୍ରାର୍ଥୀଙ୍କ ପାଇଁ ବ୍ୟୟ ସୀମା ଧାର୍ଯ୍ୟ କରିଛନ୍ତି । କିନ୍ତୁ ଏହି ପ୍ରକାରର ପେଡ୍‌ ନ୍ୟୁଜ୍‌ ଅପର ପ୍ରାର୍ଥୀଙ୍କ ପାଇଁ ଅସୁବିଧା ସୃଷ୍ଟି କରୁଛି । ଏଣୁ ନିର୍ବାଚନ କମିଶନଙ୍କ ରାଜ୍ୟ ସ୍ତରୀୟ ମିଡିଆ ମନିଟରିଂ ସେଲ ଓଟିଭିରେ ପ୍ରସାରିତ ଖବର ଓ କାର୍ଯ୍ୟକ୍ରମଗୁଡିକର ତଦାରଖ କରିବାକୁ ଏଥିରେ ଅନୁରୋଧ କରାଯାଇଛି ।

 

ସମ୍ବନ୍ଧିତ ଖବର

Leave A Reply

Your email address will not be published.

1 Comment
  1. Priyam Ganguly says

    Respected Shri.Soumya Ranjan Patnaik Sir Our Honourable Chief Minister Shri.Naveen Patnaik’s speech and communication skills are very attractive and on behalf of all good people of Odisha” Maa au Bappa Manoko Aashirwad Award” should be given by Sambad Family members on a good occasion.