ରାଜ୍ୟପାଳଙ୍କୁ ଭେଟି ସରକାର ଗଠନ ଦାବି ଜଣାଇଲେ ନବୀନ, ପ୍ରଥମ ଥର ପାଇଁ ବାହାରେ ହେବ ଶପଥ ଗ୍ରହଣ

ଭୁବନେଶ୍ୱର: ବିଜେଡି ସୁପ୍ରିମୋ ନବୀନ ପଟ୍ଟନାୟକ ରାଜ୍ୟପାଳ ପ୍ରଫେସର ଗଣେଶୀ ଲାଲଙ୍କୁ ଭେଟି ସରକାର ଗଠନ ନେଇ ରାଜ୍ୟପାଳଙ୍କ ନିକଟରେ ଦାବି ଜଣାଇଛନ୍ତି। ଆଉ ଏହାସହ ବିଜେଡି ବିଧାୟକ ଦଳ ନେତା ୧୧୨ ବିଧାୟକଙ୍କ ସମର୍ଥନ ତାଲିକା ମଧ୍ୟ ରାଜ୍ୟପାଳଙ୍କୁ ପ୍ରଦାନ କରିଛନ୍ତି ।

ପଞ୍ଚମ ଥର ପାଇଁ ବିଧାୟକ ଦଳ ନେତା ନବୀନ ପଟ୍ଟନାୟକ ନିର୍ବାଚିତ ହୋଇଛନ୍ତି । ନବୀନ ନିବାସରେ ହୋଇଥିବା ବିଧାୟକ ଦଳ ବୈଠକରେ ନବୀନଙ୍କ ନାମ ବିକ୍ରମ ଆରୁଖ ପ୍ରସ୍ତାବ ଦେଇଥିଲେ । ବିଜେଡିର ନବ ନିର୍ବାଚିତ ୧୧୨ବିଧାୟକ ବୈଠକରେ ବିଜେଡି ସଭାପତି ନବୀନ ପଟ୍ଟନାୟକଙ୍କୁ ଦଳର ନେତା ପାଇଁ ପ୍ରସ୍ତାବ ପାରିତ କରାଇଛନ୍ତି । ନେତା ନିର୍ବାଚିତ ହେବା ପରେ ବିଧାୟକମାନଙ୍କୁ ନବୀନ ଧନ୍ୟବାଦ ଦେଇଛନ୍ତି।

 

Bhubaneswar: Odisha CM & BJD chief Naveen Patnaik met Governor Prof Ganeshi Lal today and conveyed to him that he has been elected as the leader of BJD legislative party. The Governor has extended invitation to Naveen Patnaik to form the government in the state. pic.twitter.com/L78oFhLcyI

— ANI (@ANI) May 26, 2019

ବିଧାୟକ ଦଳ ନେତା ନିର୍ବାଚିତ ହୋଇଥିବା ନବୀନ ଆସନ୍ତା ୨୯ ତାରିଖରେ ମୁଖ୍ୟମନ୍ତ୍ରୀ ଭାବେ ଶପଥ ନେବେ । ନିଜ ମନ୍ତ୍ରୀମଣ୍ଡଳ ସହ ନବୀନ ପ୍ରଦର୍ଶନୀ ପଡିଆରେ ଶପଥ ନେବେ। ଅନ୍ୟ ରାଜ୍ୟର ରାଜନେତାମାନେ ବି ଏଥିରେ ଯୋଗ ଦେବେ। ଏହି ଶପଥଗ୍ରହଣ ଉତ୍ସବରେ ୫୦୦୦ରୁ ଅଧିକ ଲୋକ ଉପସ୍ଥିତ ରହିବେ । ଏହାକୁ ଦୃଷ୍ଟିରେ ରଖି ପ୍ରଦର୍ଶନୀ ପଡିଆରେ କଡ ସୁରକ୍ଷା ବ୍ୟବସ୍ଥା କରାଯାଇଛି ।