ଥାନାରେ ମିଳୁନି ଗାଡି ପାସ, ସ୍ପଷ୍ଟ କଲେ ପୁଲିସ କମିସନର

ଭୁବନେଶ୍ୱର: ଥାନାରେ ମିଳୁନି ଗାଡ଼ି ପାସ୍ | କେବଳ ଜରୁରୀ ସେବା ପାଇଁଁ ପାସ୍ ଯୋଗାଇ ଦିଆଯାଉଛି । ଟ୍ୱିନ୍ ସିଟିର ଥାନାରେ ଲୋକଙ୍କୁ ଭିଡ଼ ନ କରିବାକୁ ପୁଲିସ କମିସନର ଅନୁରୋଧ କରିଛନ୍ତି | ମିଳିଥିବା ସୂଚନା ମୁତାବକ ଗାଡି ପାସ୍ ନେବାକୁ ଥାନାରେ ଲୋକଙ୍କ ଲମ୍ବା ଲାଇନ ଦେଖିବାକୁ ମିଳିଛି । ଗୋଟେ ପଟେ ସାମାଜିକ ଦୂରତା ପାଇଁ ବାରମ୍ବାର କୁହାଯାଉଥିବା ବେଳେ ଭିଡକୁ ନ ଆସିବାକୁ ମଧ୍ୟ ପରାମର୍ଶ ଦିଆଯାଉଛି । ଆଉ ଏତିକି ବେଳେ ଗାଡି ପାସ୍ ପାଇଁ ଥାନାରେ ଲୋକଙ୍କ ଭିଡର ଚିତ୍ର ସାମ୍ନାକୁ ଆସିଛି ।

ତାଲା ବନ୍ଦ ସମୟରେ ଯଦି ଆପଣ ଅତି ଆବଶ୍ୟକରେ କାମ ଘରୁ ବାହାରୁଛନ୍ତି ତାହା ହେଲେ ଆପଣ ପାସ କରିବା ବାଧ୍ୟତାମୂଳକ । ଆସନ୍ତାକାଲି ସୁଦ୍ଧା ପାସ୍ କଲେ ପରଦିନ ଅର୍ଥାତ୍ ବୁଧବାର ଠାରୁ ତାଲା ବନ୍ଦ ସମୟରେ ଗାଡି ଚଳାଇ ପାରିବେ । ଆଉ ପାସ୍ ନଥିଲେ କିମ୍ବା ନିୟମ ନମାନିଲେ କାର୍ଯ୍ୟାନୁଷ୍ଠାନ ହେବ ବୋଲି ସକାଳେ ପୁଲିସ କମିସନର କହିଥିଲେ । ତେବେ ଗାଡି ପାସ୍ ଥାନାରୁ ଆଣିବା ପାଇଁ କମିସନର କହିବା ପରେ ଲୋକେ ଲମ୍ବା ଲାଇନ ଲଗାଇଛନ୍ତି ।

ଆଉ ଏହାକୁ ନେଇ ସ୍ପଷ୍ଟୀକରଣ ରଖିଛନ୍ତି ପୁଲିସ କମିସନର | ଥାନାରେ କୌଣସି ଗାଡିର ପାସ ମିଳୁନାହିଁ, କେବଳ ଜରୁରୀ ସେବା ଲାଗି ପାସ ଯୋଗାଇ ଦିଆଯାଉଥିବା କମିସନର କହିଛନ୍ତି |

There seems to be a rumour that passes are being issued by Police Stations. No curfew passes are being issued by Police Stations.
Passes are being issued to emergency services exempt by the State Government. Please don’t rush to Police Stations.

— Dr Sudhanshu Sarangi (@SarangiSudhansu) March 23, 2020