ଜାତିସଂଘର ସହକାରୀ ମହାସଚିବ ସ୍ତରକୁ ଉନ୍ନୀତ ହେଲେ ଓଡ଼ିଆ ପରିବେଶବିତ ସତ୍ୟ ତ୍ରିପାଠୀ, ଅଭିନନ୍ଦନ ଜଣାଇଲେ ମୁଖ୍ୟମନ୍ତ୍ରୀ
ଭୁବନେଶ୍ୱର : ଜାତିସଂଘର ଏକ ଗୁରୁତ୍ୱପୂର୍ଣ୍ଣ ପଦବୀକୁ ଉନ୍ନୀତ ହୋଇଛନ୍ତି ଜଣେ ଓଡ଼ିଆ । ବିକାଶ ଓ ପରିବେଶ ବିଶେଷଜ୍ଞ ସତ୍ୟ ସୁନ୍ଦର ତ୍ରିପାଠୀ ଜାତିସଂଘର ସହକାରୀ ମହାସଚିବ ଭାବେ ନିଯୁକ୍ତି ପାଇଛନ୍ତି । ସେ ନ୍ୟୁୟର୍କଠାରେ ଜାତିସଂଘ ପରିବେଶ କାର୍ଯ୍ୟକ୍ରମର ମୁଖ୍ୟ ରହିବେ । ଗତ କାଲି ଜାତିସଂଘ ମହାସଚିବ ଆଣ୍ଟୋନିଓ ଗେ୍ଵଟ୍ରାସଙ୍କ କାର୍ଯ୍ୟାଳୟରୁ ଏ ସଂପର୍କରେ ଘୋଷଣା କରାଯାଇଛି ।
Sambad is now on WhatsApp
Join and get latest news updates delivered to you via WhatsApp
Congratulations to @satyatripathi on being appointed as Assistant Secretary-General and Head of the New York Office of the @UNEnvironment. Best wishes to this able administrator hailing from #Odisha. https://t.co/SMKIjkfeXv
— Naveen Patnaik (@Naveen_Odisha) August 28, 2018
ଶ୍ରୀ ତ୍ରିପାଠୀଙ୍କୁ ମିଶାଇ ଏବେ ଜାତିସଂଘରେ ୩ ଜଣ ଭାରତୀୟ ବିଭିନ୍ନ ବରିଷ୍ଠ ପଦବୀରେ ରହିଛନ୍ତି । ଓଡ଼ିଶାର ବ୍ରହ୍ମପୁର ବିଶ୍ୱବିଦ୍ୟାଳୟରେ ବାଣିଜ୍ୟ ଓ ପରେ ଆଇନରେ ସ୍ନାତକୋତ୍ତର ଡିଗ୍ରି ହାସଲ କରିଥିବା ଶ୍ରୀ ତ୍ରିପାଠୀ ଗତ ୨୦ ବର୍ଷ ହେଲା ଜାତିସଂଘର ବିଭିନ୍ନ କ୍ଷେତ୍ର ଯଥା ପରିବେଶ, ମାନବ ଅଧିକାର ଓ ନିରନ୍ତର ବିକାଶ କ୍ଷେତ୍ରରେ କାମ କରିଛନ୍ତି । ଏହି ପଦୋନ୍ନତି ପାଇଁ ଶ୍ରୀ ତ୍ରିପାଠୀଙ୍କୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଅଭିନନ୍ଦନ ଜଣାଇଛନ୍ତି ।