ଆଜି କ୍ୟାବିନେଟ୍
ଭୁବନେଶ୍ୱର : ରାଜ୍ୟ କ୍ୟାବିନେଟ୍ର ଏକ ଗୁରୁତ୍ୱପୂର୍ଣ୍ଣ ବୈଠକ ଆସନ୍ତାକାଲି ସଚିବାଳୟରେ ସନ୍ଧ୍ୟା ୬ଟା ୧୫ରେ ବସିବ। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ହେବାକୁ ଥିବା ଏହି ବୈଠକରେ ନିର୍ଦ୍ଦିଷ୍ଟ ଭାବେ କେଉଁ ଏଜେଣ୍ଡା ଉପରେ ଆଲୋଚନା ହେବ, ତାହା ଜଣାପଡ଼ି ନାହିଁ। ତେବେ ଆଗକୁ ନିର୍ବାିଚନ ଥିବାରୁ କିଛି ଜନକଲ୍ୟାଣକାରୀ ଯୋଜନାରେ କ୍ୟାବିନେଟ୍ ମୋହର ବାଜିବାର ସମ୍ଭାବନା ରହିଛି। ମୌସୁମୀ ଅଧିବେଶନରେ ଏ ସଂକ୍ରାନ୍ତରେ କିଛି ବିଲ୍ ଆଣିବା ପାଇଁ ହଠାତ୍ କ୍ୟାବିନେଟ୍ ବୈଠକ ଡକାଯାଇଥିବା କୁହାଯାଉଛି।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ଯେ ଗତ ୨୪ ତାରିଖରେ କ୍ୟାବିନେଟ୍ ବୈଠକ ବସିଥିଲା। ଏଥିରେ ୨୦୧୮-୧୯ ବର୍ଷର ପ୍ରଥମ ଚିଠା ଅତିରିକ୍ତ ବଜେଟ୍ ସମେତ ବିଧାନ ପରିଷଦ ପ୍ରସ୍ତାବକୁ ସ୍ୱୀକୃତି ମିଳିଥିଲା। ବିଧାନସଭା ଅଧିବେଶନ ପୂର୍ବରୁ ପୁଣି ଥରେ କ୍ୟାବିନେଟ୍ ବୈଠକ ଡକାଯାଉଥିବାରୁ ନିଷ୍ପତ୍ତି ଉପରେ ସମସ୍ତଙ୍କ ନଜର ରହିଛି।