ପାଟଣା: କେନ୍ଦୁଝର ଜିଲ୍ଲା ପାଟଣା ଥାନାର ଥାନାଧିକାରୀ ସଂଧ୍ୟାରାଣୀ ଜେନାଙ୍କୁ ପୁଲିସ ମହାନିର୍ଦ୍ଦେଶକ ଶନିବାର ନିଲମ୍ବିତ କରିଛନ୍ତି। ପୁଲିସ ମହାନିର୍ଦ୍ଦେଶକଙ୍କ ଅଫିସିଆଲ୍ ହାଣ୍ଡେଲରୁ ଟୁଇଟ୍ କରି ଏହି ସୂଚନା ଦିଆଯାଇଛି।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ପାଟଣା ଥାନାର ଆଇଆଇସି ସଂଧ୍ୟାରାଣୀ ଜେନା କିଛିଦିନ ତଳେ ଜଣେ ଯୁବକଙ୍କୁ ଥାନା ଭିତରେ ଠେଙ୍ଗାରେ ନିସ୍ତୁକ ବାଡେଇବା ସହ ତଳେ ପକାଇ ଗୋଇଠା ମାରିଥିବାର ଭିଡ଼ିଓ ଭାଇରାଲ ହୋଇଥିଲା। ସମ୍ପୃକ୍ତ ଯୁବକ ଜଣକ ହେଲେ ପାଟଣା ଥାନା ତାଳସରୁଆ ଗ୍ରାମର ଚିତ୍ତରଞ୍ଜନ ମହାନ୍ତ (୨୨ ବର୍ଷ)। ଏହି ଯୁବକଙ୍କୁ ଅନୁଚିତ ବ୍ୟବହାର ପ୍ରଦର୍ଶନ ଲାଗି ଆଇଆଇସି ସଂଧ୍ୟାରାଣୀ ଜେନାଙ୍କୁ ନିଲମ୍ବିତ କରାଯାଇଥିବା ପୁଲିସ ଡିଜି ଟୁଇଟରେ ସୂଚନା ଦେଇଛନ୍ତି।
DGP has placed Inspector Sandhya Rani Jena IIC Patna PS of Keonjhar dist under suspension for her misconduct .
— DGP, Odisha (@DGPOdisha) May 23, 2020
ଭିଡିଓ ଭାଇରାଲ ହେବା ଘଟଣାର ତଦନ୍ତ ନିମନ୍ତେ ଘଟଗାଁ ଏସଡିପିଓ ରବୀନ୍ଦ୍ର କୁମାର ମଲ୍ଲିକ ପାଟଣା ଥାନାକୁ ଆସିଥିଲେ। ତାଙ୍କ କହିବା ଅନୁସାରେ ଗତ ୨୫ /୩/୨୦୨୦ରେ ପାଟଣା ଥାନାରେ ଏକ ଜମିବାଡ଼ି ମାମଲା ଦାଏର ହୋଇଥିଲା। ତାଳସରୁଆ ଗ୍ରାମର ଲଷ୍ମୀଧର ମହାନ୍ତଙ୍କୁ ସେହି ଗ୍ରାମର ସମ୍ପୃକ୍ତ ଯୁବକ ଚିତ୍ତରଞ୍ଜନ ମହାନ୍ତଙ୍କ ସମେତ କଂଗ୍ରେସ ମହାନ୍ତ , ଗୁରୁଚରଣ ମହାନ୍ତ , ଚୈତନ୍ୟ ମହାନ୍ତ ପ୍ରମୁଖ ଜମି ବାଡ଼ି ମାମଲାରେ ମରଣାନ୍ତକ ଆକ୍ରମଣ କରିଥିଲେ ବୋଲି ଅଭିଯୋଗ ହୋଇଥିଲା। ଏ ନେଇ ଲଷ୍ମୀଧରଙ୍କ ପତ୍ନୀ ଗାନ୍ଧାରୀ ମହାନ୍ତ ଥାନାରେ ଅଭିଯୋଗ କରିଥିଲେ। ଏହି ୪ଅଭିଯୁକ୍ତଙ୍କୁ ଥାନାକୁ ଆଣି ଥାନାଧିକାରୀ ପଚାର ଉଚରା କରିଥିଲେ । ଏହି ମାମଲାରେ ସମ୍ପୃକ୍ତ ଅଭିଯୁକ୍ତଙ୍କ ବିରୋଧରେ ମାମଲା ରୁଜୁ କରା ଯାଇ କୋର୍ଟ ଚାଲାଣ କରାଯାଇଥିଲା ବୋଲି ଏସଡିପିଓ ରବୀନ୍ଦ୍ର କୁମାର ମାଲିକ ପ୍ରକାଶ କରିଥିଲେ।