ପୁରୀ: ଶ୍ରୀ ଜଗନ୍ନାଥ ଦର୍ଶନ ପରେ ରାଷ୍ଟ୍ରପତି ରାମନାଥ କୋବିନ୍ଦ ରାଷ୍ଟ୍ରୀୟ ସଂସ୍କୃତ ସଂସ୍ଥାନର ଶହେ ବର୍ଷ ପୂର୍ତ୍ତି ଅବସରରେ ଆୟୋଜିତ କାର୍ଯ୍ୟକ୍ରମରେ ସାମିଲ ହୋଇଥିଲେ । ଏହି କାର୍ଯ୍ୟକ୍ରମରେ ଯୋଗ ଦେଇ ରାମନାଥ କୋବିନ୍ଦ କହିଥିଲେ କଳାର ଉତ୍କୃଷ୍ଟ ରାଜ୍ୟ ହେଉଛି ଉତ୍କଳ । ଜଗନ୍ନାଥଙ୍କୁ ଦର୍ଶନ କରିବାର ସୌଭାଗ୍ୟ ମିଳିଛି। ଅପୁରୀକୁ କୁହାଯାଏ ବିଦ୍ୟାର ନଗରୀ । ପୁରୀରେ ଜନ୍ମିତ ସୁଯୋଗ୍ୟ ସନ୍ତାନ୍ତକୁ ବି ମନେ ରାମନାଥ କୋବିନ୍ଦ ପକାଇଥିଲେ । ସଂସ୍କୃତ ଭାଷାରେ ଅନେକ ପ୍ରସିଦ୍ଧ ପୁସ୍ତକ ରହିଛି ଓ ଏହି ଭାଷାକୁ ନେଇ ଅନୁସନ୍ଧାନ ଚାଲିଛି । ଅଧିକ ଭାଷା ଜାଣିଲେ ଜଣକର ବିଜ୍ଞତା ବୃଦ୍ଧି ପାଇଥାଏ । ପୁରୀଗସ୍ତ ଶେଷ କରି ରାଷ୍ଟ୍ରପତି ରାଜଭବନରେ ପହଞ୍ଚିଛନ୍ତି । ଅପରାହ୍ନରେ ସେ ଆଇଆଇଟିର ସମାବର୍ତନ ଉତ୍ସବରେ ଯୋଗଦେଇ ଦିଲ୍ଲୀ ପ୍ରତ୍ୟାବର୍ତନ କରିବେ ବୋଲି ସୂଚନା ମିଳିଛି।
Sambad is now on WhatsApp
Join and get latest news updates delivered to you via WhatsApp
ରାଷ୍ଟ୍ରପତି ରାମନାଥ କୋବିନ୍ଦ ରବିବାର ପତ୍ନୀଙ୍କ ସହ ଶ୍ରୀମନ୍ଦିରରେ ଜଗନ୍ନାଥ ଦର୍ଶନ କରିଛନ୍ତି । ସକାଳ ପ୍ରାୟ ସାଢେ ୭ଟାରେ ସେ ଶ୍ରୀମନ୍ଦିର ପ୍ରବେଶ କରି ବେଢା ଭିତରେ ପ୍ରାୟ ୪୫ ମିନିଟ ଓ ଗର୍ଭଗୃହରେ ପ୍ରାୟ ୨୦ ମିନିଟ ଧରି ରହିଥିଲେ । ଏହା ପରେ ପ୍ରାୟ ୮ଟା ୧୫ ବେଳକୁ ସେ ଜଗନ୍ନାଥ ଦର୍ଶନ ସାରି ଫେରିଥିଲେ । ରତ୍ନସିଂହାସନରେ ଜଗନ୍ନାଥଙ୍କୁ ଦର୍ଶନ କରିବା ସହ ବିମଳା ଓ ମହାଲକ୍ଷ୍ମୀ ମନ୍ଦିର ବି ଯାଇଥିଲେ ।
ମହାମହିମଙ୍କୁ ସ୍ୱାଗତ କରିବା ପାଇଁ ପୁରୀ ଗଜପତିଙ୍କ ସମେତ ପ୍ରଶାସନର ବରିଷ୍ଠ ଅଧିକାରୀ ଉପସ୍ଥିତ ଥିଲେ। ଉପହାର ସ୍ୱରୂପରାଷ୍ଟ୍ରପତିଙ୍କୁ ପଟଚିତ୍ର, ଖଣ୍ଡୁଆ ଦିଆଯାଇଥିଲା । ଆଲୋଚନାବେଳେ ରାମନାଥ କୋବିନ୍ଦ ଶ୍ରୀମନ୍ଦିରରେ ଅଧିକ ସ୍ୱଚ୍ଛତା ଉପରେ ଗୁରୁତ୍ୱ ଦେଇଥିଲେ । ସେହିଭଳି ଶ୍ରୀମନ୍ଦିରରେ ଭକ୍ତମାନଙ୍କୁ ଆହୁରି ସୁବିଧା ସୁଯୋଗ ଦେବା ଉପରେ ମଧ୍ୟ ରାଷ୍ଟ୍ରପତି ଗୁରୁତ୍ୱ ଦେଇଛନ୍ତି ।
ସେପଟେ ଶ୍ରୀମନ୍ଦିରରେ ଶ୍ରୀଜୀଉଙ୍କୁ ଦର୍ଶନ ବେଳେ ସେବାୟତଙ୍କୁ ପାଉଣା ନ ଦେବାରୁ ଅସନ୍ତୋଷ ପ୍ରକାଶ କରିଛନ୍ତି ସେବାୟତ । କୌଳିକ ପଣ୍ଡାଙ୍କୁ ସେବା ସୁଯୋଗ ଦିଆ ଯାଇ ନଥିବାରୁ ବି ସେବାୟତ ଅସନ୍ତୁଷ୍ଟ ପ୍ରକାଶ କରିଛନ୍ତି। ଆଜି ଶ୍ରୀମନ୍ଦିର ଗସ୍ତ ବେଳେ ରାମନାଥ କୋବିନ୍ଦ ସେବାୟତଙ୍କୁ କୌଣସି ପାଉଣା ଦେଇ ନଥିଲେ। ଏହାକୁ ନେଇ ସେବାୟତ ନାରାଜ ହୋଇଛନ୍ତି ।