ବିନା ଚିକିତ୍ସାରେ ରୋଗୀଙ୍କୁ ଅନ୍ୟତ୍ର ପଠାଇ ପାରିବେ ନାହିଁ ଘରୋଇ ହସ୍ପିଟାଲ୍ : ସ୍ବାସ୍ଥ୍ୟ ବିଭାଗ
ଭୁବନେଶ୍ୱର: କରୋନା ମହାମାରୀ ସମୟରେ ଅନେକ ଘରୋଇ ହସ୍ପିଟାଲ/ ନର୍ସିଂହୋମଗୁଡ଼ିକ ଚିକିତ୍ସା ପାଇଁ ଆସୁଥିବା ରୋଗୀମାନଙ୍କୁ ଚିକିତ୍ସା କରି ପାରିବେ ନାହିଁ ବୋଲି ରୋକଠୋକ ମନା କରି ଅନ୍ୟ ହସ୍ପିଟାଲ୍କୁ ସ୍ଥାନାନ୍ତର କରି ଦେଉଛନ୍ତି। ଏଭଳି ଅଭିଯୋଗ ସରକାରଙ୍କ ନଜରକୁ ଆସିଛି।
Sambad is now on WhatsApp
Join and get latest news updates delivered to you via WhatsApp
ଓଡ଼ିଶା କ୍ଲିନିକାଲ ଏଷ୍ଟାବ୍ଲିସ୍ମେଣ୍ଟ (କଣ୍ଟ୍ରୋଲ ଓ ରେଗୁଲେସନ୍) ଆକ୍ଟ ଓ ତାହା ଅଧିନରେ ଆସୁଥିବା ନିୟମ ଅନୁଯାୟୀ, ହସ୍ପିଟାଲମାନେ ଗୁରୁତର ରୋଗୀମାନଙ୍କୁ ଅନ୍ୟ ହସ୍ପିଟାଲ ବା ସରକାରୀ ଡାକ୍ତରଖାନାକୁ ପ୍ରେରଣ କରିବା ପୂର୍ବରୁ ସେଠାରେ ଉପଲବ୍ଧ ଚିକିତ୍ସା ବ୍ୟବସ୍ଥା ଓ ମାନବ ସମ୍ବଳ ଆଦିକୁ ଉପଯୋଗ କରି ରୋଗୀର ଅବସ୍ଥା ନିୟନ୍ତ୍ରଣକୁ ଆସିବା ପୂର୍ବରୁ ଆବଶ୍ୟକୀୟ ଚିକିତ୍ସା ଯୋଗାଇ ଦେବେ।
କରୋନା ମହାମାରୀକୁ ଦୃଷ୍ଟିରେ ରଖି ସମସ୍ତ ହସ୍ପିଟାଲ/ ନିର୍ସିଂହୋମମାନଙ୍କୁ ପୁନର୍ବାର ନିର୍ଦ୍ଦେଶ ଦିଆଯାଉଛି ଯେ, ଓଡ଼ିଶା କ୍ଲିନିକାଲ ଏଷ୍ଟାବ୍ଲିସଣ୍ଟେ (କଣ୍ଟ୍ରୋଲ ଓ ରେଗୁଲେସନ୍)ଆକ୍ଟ ଓ ତାହା ଅଧିନରେ ଆସୁଥିବା ନିୟମଗୁଡ଼ିକୁ କଡ଼ାକଡ଼ି ଅନୁପାଳନ କରନ୍ତୁ। ଏଥିରେ ଖିଲାପ ହେଲେ, ଆଇନ ଅନୁସାରେ ଦୃଢ଼ କାର୍ଯ୍ୟାନୁଷ୍ଠାନ ନିଆଯିବା ସହିତ ସଂପୃକ୍ତ ହସ୍ପିଟାଲର ପଞ୍ଜିକରଣ ବାତିଲ ହୋଇପାରେ। ଆଜି ଏ ନେଇ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗର ଅତିରିକ୍ତ ମୁଖ୍ୟଶାସନ ସଚିବ ବିଜ୍ଞପ୍ତି ଜାରି କରିଛନ୍ତି।