ଦେଶର ପ୍ରଥମ ସ୍ମାର୍ଟ ସିଟି ଆଖ୍ୟା ପାଇଥିବା ରାଜଧାନୀ ଭୁବନେଶ୍ୱର ଅସରାଏ ବର୍ଷାରେ ବେହାଲ୍‌

0 851

ଭୁବନେଶ୍ୱର: ସାଧରଣତଃ ନଦୀକୂଳିଆ ଅଞ୍ଚଳରେ ବର୍ଷା ଦିନରେ କିମ୍ବା ଲଗାଣ ବର୍ଷାରେ ବନ୍ୟା ପରିସ୍ଥିତି ଉପୁଜିଥାଏ। କିନ୍ତୁ ଘଣ୍ଟାଏ ବର୍ଷାରେ ସ୍ଥିତି ଏମିତି ଉପୁଜିଛି ଯେ ସହରରେ ଚାରି ଚକିଆ ଯାନ ଠାରୁ ଆରମ୍ଭ କରି ଦୁଇ ଚକିଆ ଯାନ ଭାସିବା ଦୃଶ୍ୟ ଆପଣ ଦେଖିବାକୁ ପାଇଛନ୍ତି। ତାହା ପୁଣି ରାଜ୍ୟର ରାଜଧାନୀ ସ୍ମାର୍ଟ ସିଟିରେ। ଘଡିଏ ବର୍ଷାରେ ପୁଣି ଥରେ ଭାସିଛି ଭୁବନେଶ୍ୱର। ରାଜଧାନୀର ପ୍ରମୂଖ ଜନଗହଳି ପୂର୍ଣ୍ଣ ଅଞ୍ଚଳରେ ବନ୍ୟାଞ୍ଚଳ ପରି ପାଲଟିଛି।

ଘଣ୍ଟାଏ ବର୍ଷାରେ ରାଜଧାନୀ ଭୁବନେଶ୍ୱରରେ ହୋଇଗଲା ବନ୍ୟା। ଦେଶର ପ୍ରଥମ ସ୍ମାର୍ଟ ସିଟିଭାବେ ଆଖ୍ୟା ପାଇଥିବା ରାଜଧାନୀ ଭୁବନେଶ୍ୱରରେ ଭାସିଲା କାର, ବାଇକ ଓ ସାଇକେ। ଭୁବନେଶ୍ୱରର ଜନଗହଳିପୂର୍ଣ୍ଣ ଅଞ୍ଚଳ ନିକୋ ପାର୍କ, ଇସ୍କନ ସମ୍ମୁଖ, ରସୁଲଗଡ଼, ବାଣୀବିହାର, ଜୟଦେବ ବିହାର ଏମିତି ଅନେକ ଅଂଚଳରେ ଅସରାଏ ବର୍ଷାରେ ରାସ୍ତାରେ ଯାନ ବାହାନ ଭାସୁଥିବାର ଦୃଶ୍ୟ ଦେଖିବାକୁ ମିଳିଛି ଏବଂ ଭୁବନେଶ୍ୱରର ଏଭଳି ବନ୍ୟା ପରିସ୍ଥିତିକୁ ଲୋକମାନେ ଭିଡିଓ କରି ମୋବାଇଲରୁ ମୋବାଇଲ ଭାଇରାଲ କରୁଛନ୍ତି। ଜାତୀୟ ରାଜପଥରେ ଏଭଳି ବନ୍ୟା ପରିସ୍ଥିତି ଦେଖି ଆଶ୍ଚର୍ଯ୍ୟ ରାଜଧାନୀବାସୀ। କାରଣ ଦେଶର ପ୍ରଥମ ସ୍ମାର୍ଟ ସିଟିରେ ଏଭଳି ବର୍ଷା ହେବାରୁ ବନ୍ୟାଞ୍ଚଳ ରୂପରେ ପରିଣତ ହୋଇଛି ଯ

ବିଏମସି ତରଫରୁ ରାଜଧାନୀର ପ୍ରମୂଖ ଅଞ୍ଚଳରେ ବର୍ଷା ପାଣି ନିଷ୍କାସନ ପାଇଁ ଅନେକ ସମୟରେ ପଦକ୍ଷେପ ନିଆଯାଇଥିଲେ ମଧ୍ୟ ବର୍ଷା ଦିନରେ ସମସ୍ତ ଜଳ ନିଷ୍କାସନ ପଥ ଅବରୋଧ ହୋଇ ପଡୁଛି। ବିଶେଷ କରି ୱାଟର ଡ୍ରେନେଜ ବ୍ୟବସ୍ଥାର ରକ୍ଷଣା ବେକ୍ଷଣ କରିବାରେ ଅବହେଳା କରୁଛନ୍ତି ବିଏମସି କର୍ତ୍ତୃପକ୍ଷ ବୋଲି ଅଭିଯୋଗ କରିଛନ୍ତି ସାଧାରଣଲୋକ। ତେଣୁ ଘଡ଼ିଏ ବର୍ଷାରେ ଏଭଳି ଉପାନ୍ତ ଅଞ୍ଚଳ ଭଳି ରାଜଧାନୀରେ ମଧ୍ୟ ବନ୍ୟା ପରିସ୍ଥିତି ଉପୁଜୁଥିବା ଲୋକମାନେ ଅଭିଯୋଗ କରିଆସୁଛନ୍ତି।

ସମ୍ବନ୍ଧିତ ଖବର

Leave A Reply

Your email address will not be published.