ରାଜୀବ ସେବା କେନ୍ଦ୍ର ନାଁରେ ଟଙ୍କା ହଡ଼ପ ମହଙ୍ଗା ପଡ଼ିଲା : କନିଷ୍ଠ ଯନ୍ତ୍ରୀ, ସରପଞ୍ଚଙ୍କ ନାଁରେ ଏତଲା
ଧରା ପଡ଼ିଲା ପୁରୁଣା ଘରକୁ ରଙ୍ଗମରା ଚାଲ୍, ବ୍ଲକ୍ କାର୍ଯ୍ୟାଳୟରୁ ଫାଇଲ୍ ଗାଏବ୍
କେନ୍ଦ୍ରାପଡ଼ା/ଆଳି : ପ୍ରକଳ୍ପ ନିର୍ମାଣ ନ କରି ଟଙ୍କା ହଡ଼ପ କରିବା ମହଙ୍ଗା ପଡ଼ିଛି। ଶେଷରେ ଆଳି ବ୍ଲକ୍ ପଦନିପାଳ ପଞ୍ଚାୟତରେ ରାଜୀବ ଗାନ୍ଧୀ ସେବା କେନ୍ଦ୍ର ନାଁରେ ୧୬ଲକ୍ଷ ଟଙ୍କା ହଡ଼ପ କରିବା ଘଟଣାରେ କନିଷ୍ଠ ଯନ୍ତ୍ରୀ ଓ ସରପଞ୍ଚଙ୍କ ନାଁରେ ଥାନାରେ ମାମଲା ରୁଜୁ ହୋଇଛି। ଜିଲ୍ଲା ଗ୍ରାମ୍ୟ ଉନ୍ନୟନ ସ˚ସ୍ଥାର ପ୍ରକଳ୍ପ ନିର୍ଦେଶକ ଦିଲ୍ଲୀପ ପରିଡ଼ା କନିଷ୍ଠ ଯନ୍ତ୍ରୀ ମନୋଜ ବେହୁରା ଓ ପଦନିପାଳ ସରପଞ୍ଚ ରାକେଶ ର˚ଜନ ରାଉତଙ୍କ ନାଁରେ ସରକାରୀ ଅର୍ଥ ହଡ଼ପ କରିଥିବା ନେଇ ଆଳି ଥାନାରେ ଏତଲା ଦେଇଛନ୍ତି। ପୁଲିସ ଏତଲାକୁ ଭିତ୍ତି କରି ଦୁଇ ଅଭିଯୁକ୍ତଙ୍କ ବିରୋଧରେ ଦଫା ୪୧୭, ୪୦୬, ୪୦୯, ୪୬୫, ୪୬୮, ୪୭୧ ଏବ˚ ୩୪ ଆଇପିସିରେ ମାମଲା(ନ˚-୩୫/୨୦) ରୁଜୁ କରିଛି। କିନ୍ତୁ ଏହି ଘଟଣାରେ ମିଥ୍ୟା ବିଲ୍ କରି ତଳୁ ଉପର ଯାଏ ସମସ୍ତେ ମିଳିମିଶି ଟଙ୍କା ବାଣ୍ଟି ନେଇଥିବା କୁହାଯାଉଥିବା ବେଳେ ବିଡିଓ, ସହକାରୀ ଯନ୍ତ୍ରୀଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନ ନ ହେବା ଘଟଣା ସାଧାରଣରେ ପ୍ରଶ୍ନବାଚୀ ସୃଷ୍ଟି କରିଛି।
Sambad is now on WhatsApp
Join and get latest news updates delivered to you via WhatsApp
ସୂଚନାନୁଯାୟୀ, ପଦନୀପାଳ ପଞ୍ଚାୟତରେ ଭାରତ ନିର୍ମାଣ ରାଜୀବ ଗାନ୍ଧୀ ସେବା କେନ୍ଦ୍ର ନାଁରେ ୧୬ଲକ୍ଷ ଟଙ୍କା ହଡ଼ପ କରାଯାଇଥିବା ନେଇ ସାମାଜିକ ଅଡିଟ୍ରୁ ଧରାପଡ଼ିଥିଲା। ଏ ନେଇ ଅଧିକ ଖୋଳତାଡ଼ କରାଯିବା ପରେ ଜଣାପଡ଼ିଥିଲା କି ସୁଶାନ୍ତ ରାୟ ଓ ସରପଞ୍ଚ ରାକେଶ ଚନ୍ଦ୍ର ରାଉତ ନିର୍ମାଣ କାମ କରିଥିବା ବେଳେ ୨୧୩, ଏପ୍ରଲ୍ ୧୦ରୁ କାମ ଆରମ୍ଭ ହୋଇ ୨୦୧୯ରେ ଶେଷ ହୋଇଛି। ଏ ବାବଦରେ ଦୁଇ ପର୍ପ୍ୟାୟରେ ୨୦୧୯, ଜୁନ୍ ୬ ଓ ଜୁଲାଇ ୫ରେ ୧୫ଲକ୍ଷ ୬୩ହଜାର ୮୭୨ଟଙ୍କା ଉଠାଯାଇଛି। କିନ୍ତୁ ରାଜୀବ ସେବା କେନ୍ଦ୍ର ନିର୍ମାଣ ନ କରି ବିଲ୍ ଉଠାଯାଇଥିବା ନେଇ ‘ସମ୍ବାଦ’ରେ ଗତ ୫ ତାରିଖରେ ଖବର ପ୍ରକାଶ ପାଇବା ପରେ ପ୍ରଶାସନିକ ସ୍ତରରେ ତନାଘନା ଆରମ୍ଭ ହୋଇଥିଲା। ଭିଜିଲାନ୍ସ ଡିଏସ୍ପି ସତ୍ୟନାରାୟଣ ରାୟଗୁରୁ ଗୁରୁବାର ପନଦିପାଳରେ ପହଞ୍ଚି ଘଟଣାର ତଦନ୍ତ କରିଥିଲେ। ଏହା ପରଦିନ ଅର୍ଥାତ୍ ଶୁକ୍ରବାର ପିଡି ଶ୍ରୀ ପରିଡ଼ା ଓ ଆଳି ବିଡିଓ ଜୟନ୍ତ କୁମାର ପୃଷ୍ଟି ପଦନିପାଳ ପଞ୍ଚାୟତକୁ ଯାଇ ଖୋଳତାଡ଼ କରିବା ସହ ବିଭାଗୀୟ କର୍ତୃପକ୍ଷଙ୍କୁ ପ୍ରକଳ୍ପ ସମ୍ବନ୍ଧରେ ପଚରାଉଚରା କରିଥିଲେ। କିଭଳି ଆଉ କେଉଁ ପରିସ୍ଥିତିରେ ପ୍ରକଳ୍ପ ନିର୍ମାଣ ନ କରି ବିଲ୍ ଉଠାଗଲା, ସେ ନେଇ ପ୍ରଶ୍ନ କରାଯିବାରୁ ବିଭାଗୀୟ ଯନ୍ତ୍ରୀ କୌଣସି ସନ୍ତୋଷଜନକ ଉତ୍ତର ଦେଇପାରିନଥିଲେ। ବର˚ ସବୁତକ ଦୋଷ ସରପଞ୍ଚଙ୍କ ମୁଣ୍ତକୁ ଠେଲି ଦେଇଥିଲେ। କିନ୍ତୁ ତଦନ୍ତରୁ ରାଜୀବ ସେବା କେନ୍ଦ୍ର ନାଁରେ ସମସ୍ତ ଟଙ୍କା ହଡ଼ପ କରାଯାଇଥିବା ସ୍ପଷ୍ଟ ହେଇଯିବା ପରେ ପିଡି ଆଳି ଥାନାରେ ଯନ୍ତ୍ରୀ ଶ୍ରୀ ବେହୁରା ଓ ସର˚ପଚ ଶ୍ରୀ ରାଉତଙ୍କ ନାଁରେ ଏତଲା ଦେଇଛନ୍ତି।